ДЗЯРЖОРГАНЫДЗЯРЖОРГАНЫ
Панядзелак, 13 ліпеня 2020
Мінск Малавоблачна +14°C
Усе навіны
Усе навіны
Прэзідэнт
29 мая 2020, 11:00

Лукашэнка наведаў Мінскі трактарны завод

29 мая, Мінск /Кар. БЕЛТА/. Прэзідэнт Беларусі Аляксандр Лукашэнка наведаў сёння Мінскі трактарны завод, дзе азнаёміўся з развіццём як непасрэдна гэтага прадпрыемства, так і холдынга ў цэлым, паведамляе БЕЛТА.

На прадпрыемстве кіраўнік дзяржавы азнаёміўся з мадэльным радам выпускаемай сучаснай тэхнікі, тэхналагічным працэсам зборкі трактароў. Прэзідэнт сустрэўся таксама з прадстаўнікамі працоўнага калектыву. Знамянальна, што менавіта 29 мая спаўняецца 74 гады з даты заснавання Мінскага трактарнага завода.

ААТ "МТЗ" уваходзіць у дзясятку сусветных вытворцаў адпаведнай тэхнікі. Амаль 90 працэнтаў трактароў рэалізуецца на экспарт. Больш як 15 тыс. чалавек працуюць у ААТ "МТЗ", яшчэ 7,5 тыс. чалавек - на прадпрыемствах холдынга.

З пачатку года выпушчана больш за 10 тыс. трактароў (рост да ўзроўню 2019 года - 33 працэнты), аб'ёмы экспарту захаваны на ўзроўні мінулага года і па холдынгу перасягнулі $120 млн.

Прадпрыемствам праводзіцца сістэмная работа па мадэрнізацыі мадэльнага рада трактароў, накіраваная на павышэнне камфорту аператара, пастаноўку на вытворчасць трактароў экалагічнага стандарту Stage 5 для краін ЕС.

Сярод перспектыўных напрамкаў развіцця "МАЗ-Холдынга" - мадэрнізацыя ліцейнай вытворчасці шляхам стварэння сучаснага комплексу магутнасцю 300 тыс. т у год; стварэнне новай кавальска-штампавай вытворчасці на плошчах ААТ "Мінскі завод шасцерняў", стварэнне сумеснай вытворчасці мастоў з італьянскай кампаніяй на базе ААТ "Бабруйскі завод трактарных дэталей і агрэгатаў".

ААТ "МТЗ" распрацавана і зацверджана стратэгія развіцця "МТЗ-Холдынг" да 2030 года. Яна ўключае не толькі развіццё вытворчых магчымасцей у Беларусі, але і за мяжой.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі