12 верасня, Мінск /Кар. БЕЛТА/. Прэзідэнт Беларусі Аляксандр Лукашэнка прысутнічаў на фінале ХIV Нацыянальнага конкурсу прыгажосці "Міс Беларусь - 2025", паведамляе карэспандэнт БЕЛТА.
Уладальніцу тытула "Міс Беларусь - 2025" журы выбірае з фіналістак, якія прайшлі адборачныя туры спачатку на рэгіянальным, а потым на абласным і мінскім гарадскім этапах. Усяго ў адборах прынялі ўдзел 854 дзяўчыны, у фінал выйшлі 24 удзельніцы, але на сцэну ў час самога шоу ў Палацы спорту выйшлі 23 дзяўчыны (адна фіналістка не змагла прысутнічаць па стане здароўя).
Ідэя фінальнага шоу пад назвай "Сусвет прыгажосці" звязана з прыгажосцю як натхняльнай сілай для здзяйсненняў, подзвігаў і творчых перамог.
Авацыі гледачоў удзельніцы фіналу сарвалі за нумар у нацыянальных строях, дзе дэманстраваліся сімвалы беларускага арнаменту. Шчырае замілаванне, весялосць і радасць падарылі гледачам відэаролікі аб добрых справах, якія паспелі зрабіць дзяўчаты за час падрыхтоўкі да фіналу. Акрамя традыцыйных для ўдзельніц конкурсаў прыгажосці дабрачынных заняткаў (дапамога людзям з абмежаванымі магчымасцямі, бяздомным жывёлам), былі яшчэ важныя акцыі патрыятычнай накіраванасці (напрыклад, добраўпарадкаванне помнікаў, удзел ва ўзвядзенні новага будынка Нацыянальнага гістарычнага музея), а таксама і вельмі нечаканыя для грацыёзных дзяўчат віды дзейнасці. Яны, напрыклад, стрыглі авечак і даілі кароў.
Па традыцыі, усе ўдзельніцы фіналу атрымалі ў падарунак ад кіраўніка дзяржавы фантастычнай прыгажосці вячэрнія сукенкі, у якіх яны з'явіліся на подыуме ў завяршальным дэфіле.-0-
Кіраўнік дзяржавы прыбыў у Палац спорту, які стаў месцам правядзення маляўнічага фінальнага шоу, і заняў месца сярод гледачоў. Прысутнасць Прэзідэнта на гэтым мерапрыемстве стала ўжо традыцыйнай і сведчыць аб высокім культурным статусе конкурсу для ўсёй краіны. Паглядзець фінальнае шоу звычайна прыходзяць тысячы гледачоў, сярод якіх, зразумела, шматлікія групы падтрымкі саміх прэтэндэнтак на карону галоўнай прыгажуні Беларусі і вядомыя медыйныя асобы, дзяржаўныя і грамадскія дзеячы.
У журы конкурсу ў гэтым годзе ўвайшлі, напрыклад, оперны выканаўца, народны артыст Беларусі Уладзімір Громаў, заслужаны майстар спорту, сярэбраны прызёр зімовых Алімпійскіх гульняў 2022 года біятланіст Антон Смольскі, кінарэжысёр-пастаноўшчык Кірыл Халецкі, старшыня цэнтральнага савета Беларускага фізкультурна-спартыўнага таварыства "Дынама" Дзмітрый Балаба, намеснік старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці Дзмітрый Баскаў, дзеючая ўладальніца тытула "Міс Беларусь - 2023" Элеанора Качалоўская.
Авацыі гледачоў удзельніцы фіналу сарвалі за нумар у нацыянальных строях, дзе дэманстраваліся сімвалы беларускага арнаменту. Шчырае замілаванне, весялосць і радасць падарылі гледачам відэаролікі аб добрых справах, якія паспелі зрабіць дзяўчаты за час падрыхтоўкі да фіналу. Акрамя традыцыйных для ўдзельніц конкурсаў прыгажосці дабрачынных заняткаў (дапамога людзям з абмежаванымі магчымасцямі, бяздомным жывёлам), былі яшчэ важныя акцыі патрыятычнай накіраванасці (напрыклад, добраўпарадкаванне помнікаў, удзел ва ўзвядзенні новага будынка Нацыянальнага гістарычнага музея), а таксама і вельмі нечаканыя для грацыёзных дзяўчат віды дзейнасці. Яны, напрыклад, стрыглі авечак і даілі кароў.
Адно з дэфіле прайшло ў арыгінальных вобразах - касцюмах з тэматычнымі цытатамі Прэзідэнта Беларусі. Сярод іх былі выказванні кіраўніка дзяржавы аб тым, што прыгажэйшых за беларускіх жанчын няма ў свеце, што яны - наша самая эфектыўная дыпламатычная зброя, што шчасце жанчын - гэта самая вялікая каштоўнасць, а іх прызванне - упрыгожваць свет.
Уладальніцай тытула "Міс Беларусь - 2025" стала Алёна Кучарук. Дзяўчыне 18 гадоў, яна нарадзілася ў аграгарадку Гараны Віцебскай вобласці, а цяпер жыве ў Полацку, вучыцца ў Наваполацкім дзяржаўным музычным каледжы на спецыяльнасці "Дырыжыраванне (акадэмічны хор)". За перамогу ў конкурсе прыгажуні дасталася не толькі карона, але і грашовы прыз, а таксама аўтамабіль Geely.
Падпісвайцеся на нас у
