3 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў капітатаў-рэгентаў Сан-Марына Марка Нікаліні і Джанкарла Вентурыні з нацыянальным святам - Днём святога Марына і гадавінай заснавання рэспублікі. Аб гэтым БЕЛТА паведамілі ў прэс-службе беларускага лідара.
"Сан-Марына як найстарэйшая краіна Еўропы добра разумее важнасць і складанасць захавання сваёй дзяржавы, адстойвання яе інтарэсаў, процідзеяння знешняму націску, - адзначаецца ў віншаванні. - Упэўнены, нашым народам ёсць чым падзяліцца адзін з адным не толькі ў плане абароны самабытнасці і незалежнасці, але і ў рамках рэалізацыі сумесных эканамічных і гуманітарных праектаў".
Кіраўнік дзяржавы пажадаў капітанам-рэгентам моцнага здароўя і поспехаў ва ўсіх пачынаннях, а грамадзянам Сан-Марына - міру і далейшага прагрэсу.-0-
