21 верасня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста выказаў шчырыя спачуванні Прэзідэнту Танзаніі Джону Магуфулі, родным і блізкім загінулых пры крушэнні пасажырскага парома на поўначы краіны. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы падкрэсліў, што ў Беларусі з глыбокім болем і смуткам успрынялі паведамленне аб трагічнай гібелі людзей у выніку крушэння парома на возеры Вікторыя.
Як паведамлялася, судна перавярнулася паміж астравамі Юкора і Бугалора за некалькі метраў да месца швартоўкі. На яго борце знаходзілася больш за 400 пасажыраў. Паводле апошніх даных, у выніку трагедыі загінулі больш за 100 чалавек.-0-
