9 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка 7 сакавіка накіраваў спачуванне родным і блізкім народнай артысткі Беларусі Ірыны Шыкуновай. Аб гэтым БЕЛТА паведамілі ў прэс-службе кіраўніка дзяржавы.
"Ірына Сямёнаўна была выдатнай спявачкай, творчасцю якой па праву ганарыцца наша краіна. Яна пражыла яркае і насычанае жыццё, дасягнула прафесійных вышынь і ўпісала незабыўную старонку ў гісторыю сучаснага опернага мастацтва", - гаворыцца ў спачуванні.
Кіраўнік дзяржавы адзначыў, што Ірына Шыкунова шчодра дзялілася з моладдзю сваімі ведамі і вопытам, выхавала некалькі пакаленняў таленавітых артыстаў, якія ўносяць важкі ўклад у захаванне і развіццё лепшых дасягненняў нацыянальнай культуры.-0-