23 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне Старшыні Кітайскай Народнай Рэспублікі Сі Цзіньпіну ў сувязі з чалавечымі ахвярамі ў выніку паводак. Аб гэтым БЕЛТА паведамілі ў прэс-службе беларускага лідара.
"У Рэспубліцы Беларусь з сумам і трывогай успрынялі паведамленне аб чалавечых ахвярах і разбуральных наступствах, выкліканых моцнымі дажджамі і паводкамі ў Кітаі", - адзначыў кіраўнік дзяржавы.
"Ад імя беларускага народа і сябе асабіста выказваю шчырыя спачуванні сем'ям загінулых, перадаю словы падтрымкі ўсім пацярпелым у выніку стыхійнага бедства, а таксама жадаю хутчэйшага аднаўлення пацярпелых раёнаў і вяртання да прывычнага ладу жыцця", - гаворыцца ў спачуванні.-0-