4 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне родным і блізкім экіпажа транспартнага самалёта АН-12 авіякампаніі "Гродна". Аб гэтым БЕЛТА паведамілі ў прэс-службе беларускага лідара.
"З глыбокім болем успрыняў сумную навіну аб крушэнні транспартнага самалёта беларускай авіякампаніі "Гродна" пад Іркуцкам, у выніку якога загінуў экіпаж паветранага судна, які складаўся з грамадзян Беларусі, Расіі і Украіны", - гаворыцца ў спачуванні.
Ад імя беларускага народа і ад сябе асабіста Аляксандр Лукашэнка выказаў сем'ям загінулых членаў экіпажа шчырыя словы спачування і падтрымкі ў сувязі з цяжкай, незаменнай стратай.
Кіраўнік дзяржавы пажадаў родным і блізкім загінулых мужнасці і стойкасці ў гэты цяжкі час.-0-