28 лютага, Мінск /Кар. БЕЛТА/. Кіраўнік дзяржавы Аляксандр Лукашэнка накіраваў прывітанне ўдзельнікам рэспубліканскіх фінальных спаборніцтваў сярод дзяцей і падлеткаў па хакеі "Залатая шайба" на прызы Прэзідэнта Рэспублікі Беларусь. Аб гэтым БЕЛТА паведамілі ў прэс-службе беларускага лідара.
Аляксандр Лукашэнка падкрэсліў, што гэтыя спаборніцтвы вызначаюцца асаблівай атмасферай таварыства, з'яднанасці і адданасці любімай гульні.
"Праявіўшы байцоўскі характар, запал і імкненне да перамогі, вы заслужылі права прадстаўляць родны рэгіён у фінале прэстыжных спаборніцтваў - гэта вялікі гонар і важнае дасягненне, - адзначыў Прэзідэнт. - Упэўнены, што пры гэтым кожны з вас марыць пра большае і зробіць усё, каб паказаць на сталічным лёдзе свой лепшы хакей і пакарыць запаветны п'едэстал "Залатой шайбы".
Кіраўнік дзяржавы пажадаў: "Няхай барацьба будзе сумленнай, а перамога дастанецца мацнейшым. Будзьце мэтанакіраванымі і паспяховымі. Жадаю ўсім моцнага здароўя, шчасця і ўдачы".-0-
