ДЗЯРЖОРГАНЫДЗЯРЖОРГАНЫ
Флаг Пятніца, 27 студзеня 2023
Мінск -3°C
Усе навіны
Усе навіны
Прэзідэнт
18 кастрычніка 2022, 18:34

Лукашэнка нагадаў, як хіхікалі ў Расіі "ліберасты", але час паказаў, хто меў рацыю

Аляксандр Лукашэнка ў час сустрэчы
Аляксандр Лукашэнка ў час сустрэчы

18 кастрычніка, Мінск /Кар. БЕЛТА/. Кіраўнік беларускай дзяржавы Аляксандр Лукашэнка ўпэўнены, што Беларусі і Расіі трэба трымацца адзін каля аднаго.

"Некалі, я памятаю, груба скажу: хіхікалі ў Расіі некаторыя, як я іх называю, ліберасты. Калі я сказаў, што прыйдзе час (гады два таму было сказана), калі нам з Пуціным давядзецца стаяць спінай да спіны і адстрэльвацца. Усе: "Ну як гэта так, што!?" Што мы бачым сёння? Мы гэта сёння і бачым", - канстатаваў беларускі лідар.

"Таму нам трэба трымацца адзін каля аднаго. Не трэба спрабаваць неяк абысці адзін другога, не трэба тут нешта дзяліць. Тыпу нашай агульнай Перамогі ў Вялікай Айчыннай вайне. Усё зразумела, ролі размеркавала гісторыя даўно", - упэўнены кіраўнік дзяржавы.

Аляксандр Дугін
Аляксандр Дугін

"Усё ж такі тое, што гавораць аб Беларусі ў Расіі, і тое, што не гавораць, замоўчваючы... Для вас, напэўна, гэта не вялікі сакрэт. Паколькі вы можаце бачыць за лічбамі, радкамі, коскамі рэальную карціну. Але людзі не вельмі, асабліва раней, разумелі, што адбываецца ў Беларусі. Часам нас крытыкавалі ні за што. Я разумею, ёсць нейкая (была) рэўнасць, яшчэ нешта. Розныя былі прычыны. Таму такога ўзроўню чалавек, як вы, публічны чалавек, які бачыць рэаліі... Я спадзяюся, што аб гэтым (аб тым, як і чым жыве Беларусь. - Заўвага БЕЛТА) даведаецца кожны не толькі рускі чалавек, але і расіянін. У гэтым вялікі мой інтарэс. Таму што нам жыць разам. Нам ні ў якім разе не трэба бегчы ўбок адзін ад аднаго", - падкрэсліў беларускі лідар.

"І такі чалавек, як вы, аналізуючы падзеі, бачачы рэаліі, зробіць, я думаю, правільныя высновы. Гэта не толькі мой інтарэс. Гэта інтарэс Беларусі і Расіі. Гэта інтарэс рускага і беларускага народаў, расіян усіх і беларусаў", - дадаў кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі