Сцяг Панядзелак, 27 мая 2024
Усе навіны
Усе навіны
Прэзідэнт
09 лютага 2023, 17:29

Лукашэнка на прыкладзе Зімбабвэ расказаў пра патэнцыял пашырэння ў свеце беларускіх напрацовак у медыцыне

9 лютага, Мінск /Кар. БЕЛТА/. Прэзідэнт Беларусі Аляксандр Лукашэнка на прыкладзе супрацоўніцтва з Зімбабвэ расказаў пра патэнцыял пашырэння ў свеце беларускіх напрацовак у медыцыне. Адпаведную заяву кіраўнік дзяржавы зрабіў 9 лютага на сустрэчы з беларускімі вучонымі, перадае карэспандэнт БЕЛТА.

Аляксандр Лукашэнка расказаў, што магчымасці супрацоўніцтва ў ахове здароўя ён абмяркоўваў у час дзяржаўнага візіту ў Зімбабвэ са сваім калегам Эмерсанам Мнангагвам. У прыватнасці, у гэтай краіне ёсць праблема высокай дзіцячай і мацярынскай смяротнасці, і Беларусь, маючы добрыя дасягненні і перадавы вопыт у гэтым пытанні, можа аказаць сваю дапамогу.

"Жонка ў яго займаецца фондам, які дапамагае дзецям, - адзначыў кіраўнік дзяржавы. - Мы выбудуем пад гэты фонд праграму, пачнём з нейкай гуманітарнай дапамогі, перакінуць туды самае неабходнае і паказаць у Зімбабвэ, як трэба лячыць дзяцей. Але самае галоўнае - накарміць дзяцей. У нас дзіцячае харчаванне, малочныя і мясныя сумесі. Давайце зоймемся, няхай прыязджае цэлая група спецыялістаў, мы пачынаем іх вучыць, як лячыць дзяцей".

"Закранулі праблему - і вырысоўваецца цэлы напрамак супрацоўніцтва, - прадоўжыў Прэзідэнт. - Але і сама ахова здароўя, калі мы падключымся і будзем дапамагаць, а ёсць чым дапамагаць - у нас спецыялісты ёсць, і навучыць можам, і ў ВНУ запросім, усё гэта за грошы - сама ахова здароўя атрымае грошы. Інакш кажучы, трэба варушыцца і разгортвацца ў гэтым плане і выходзіць за рамкі нашага беларускага быцця, скажам так".

Гаворачы пра Зімбабвэ, ён адзначыў, што гэта краіна багата сваімі прыроднымі рэсурсамі, і там зразумелі перавагі развіцця раўнапраўнага супрацоўніцтва з такімі дзяржавамі, як Беларусь. "Унікальная краіна, прыгожая, даволі развітая. Але самае галоўнае - найбагацейшая краіна. Зразумела, што не ўсіх яны туды пускаюць. Яны разабраліся, што такое вялікія дзяржавы. Яны хочуць сябраваць з роўнымі. Я яму адразу сказаў: у Беларусі няма рычага недзе там цябе нахіліць, санкцыі ўвесці, калі ты будзеш звязаны з Беларуссю і раптам нехта ачумелы прыйдзе ў Беларусі да ўлады і пойдзе на разрыў адносін, - ну, няма ў нас такіх рычагоў".

Пры гэтым Аляксандр Лукашэнка звярнуў увагу, што ў Беларусі ёсць шмат тэхналогій і інавацый у розных сферах, якімі краіна гатова падзяліцца.-Э-

Падпісвайцеся на нас у
Twitter
Топ-навіны
Свежыя навіны Беларусі