ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +26°C
Усе навіны
Усе навіны
Прэзідэнт
12 мая 2022, 12:21

Лукашэнка на маючай адбыцца сустрэчы з Пуціным мае намер абмеркаваць пытанне імпартазамяшчэння

У час сустрэчы
У час сустрэчы

12 мая, Мінск /Кар. БЕЛТА/. Прэзідэнт Беларусі Аляксандр Лукашэнка на маючай адбыцца сустрэчы з Прэзідэнтам Расіі Уладзімірам Пуціным мае намер абмеркаваць пытанне імпартазамяшчэння. Аб гэтым ён заявіў на сустрэчы з паслом Расіі ў Беларусі Барысам Грызловым, перадае карэспандэнт БЕЛТА.

"Увесь час у нашых адносінах, вы гэта добра ведаеце не горш за мяне, нафта, газ, гандаль, пастаўкі, рынак і гэтай далей. Як я часта адзначаю, не было б шчасця - няшчасце дапамагло, усё ж такі і гэтыя пытанні ў нас вырашаюцца. Але не гэта, напэўна, галоўнае для нас цяпер у адносінах. Я так абдумваю гэтыя праблемы, пры сустрэчы з Прэзідэнтам Расіі мы будзем сур'ёзна яшчэ раз абмяркоўваць, імпартазамяшчэнне - гэта пытанне вельмі важнае. Шмат кампетэнцый і ў Беларусі, і ў Расіі. Ну, яны па пэўных прычынах не развіваліся так, як трэба. Дзякуй богу, што гэтыя кампетэнцыі існуюць", - сказаў кіраўнік дзяржавы.

Аляксандр Лукашэнка прывёў шэраг канкрэтных прыкладаў па напрамках супрацоўніцтва: "Дапусцім, сёння пытанне пытанняў - гэта наш "Інтэграл" і тое, што ён выпускае. І падобныя прадпрыемствы ў Расіі. Салідныя задзелы мы маем. І, дапусцім, "Гарызонт". Ён для авіябудавання вырабляе вельмі шмат прадукцыі, пра якую нават расіяне не ведалі, як мне нядаўна далажылі. Калі ў Расіі паказалі гэту прадукцыю, усе здзівіліся, што гэта існуе. Яна звязана з кіраваннем і касмічнымі апаратамі, і самалётамі. Для беспілотнікаў вельмі шмат прадукцыі мы робім. Таму імпартазамяшчэнне і яшчэ раз імпартазамяшчэнне".

У першую чаргу могуць быць задзейнічаны навукаёмістыя прадпрыемствы, уключаючы "БелОМА", "Пеленг" і іншыя.

Паводле слоў Аляксандра Лукашэнкі, ёсць добрыя перспектывы і для развіцця ўзаемадзеяння ў ІТ-сферы. "Думаю, мы з Расіяй тут шмат чаго можам зрабіць. Мы ў рэшце рэшт павінны схіліць нашых айцішнікаў да вытворчасці гатовага канечнага прадукту, а не на пабягушках быць у буйных кампаній. Так, грошы, так, мільярды долараў - усё гэта зразумела. Але трэба рабіць з нуля гатовы прадукт і асвойваць яго тут, на постсавецкай прасторы. Перш за ўсё ў Беларусі і Расіі. Таму ёсць дзе разгарнуцца", - сказаў кіраўнік дзяржавы.

Ён адзначыў, што на гэта, зразумела, неабходны пэўныя сродкі, але гэта не гіганцкія грошы. "Мы разам можам знайсці. І не абавязкова дзесьці паасобку. Мы можам у саюзным бюджэце прадугледзець і пэўную тэматыку развіваць", - заўважыў беларускі лідар.

"Кааперацыя і імпартазамяшчэнне - гэта тыя шляхі, па якіх мы павінны сёння рухацца наперад", - падагульніў Аляксандр Лукашэнка.

"Усе астатнія пытанні вам зразумелы. Вы ведаеце нашу пазіцыю, пачынаючы ад спецыяльнай ваеннай аперацыі і заканчваючы стратэгіяй развіцця ў космасе і гэтак далей. Мы свята выконваем гэта. Вы нават можаце не перажываць. Вы заўсёды можаце быць упэўнены ў Беларусі. Тут жывуць надзейныя і стабільныя людзі. Вы гэта ведаеце не горш за мяне", - рэзюмаваў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі