ДЗЯРЖОРГАНЫДЗЯРЖОРГАНЫ
Флаг Субота, 28 мая 2022
Мінск +11°C
Усе навіны
Усе навіны
Прэзідэнт
28 студзеня 2022, 14:11

Лукашэнка: на Беларусь націскаюць у тым ліку за яе асаблівы шлях у пераадоленні пандэміі

Фота з архіва
Фота з архіва

28 студзеня, Мінск /Кар. БЕЛТА/. На Беларусь націскаюць у тым ліку за яе асаблівы шлях у пераадоленні пандэміі. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.

"Сітуацыі з татальнымі лакдаўнамі і кавід-межамі паказваюць глыбіню расколу паміж заходнімі элітамі і народам. Мы ж навучыліся жыць з пандэміяй без надзвычайных крокаў. З першых дзён мы змаглі адаптавацца да новых умоў і ў максімальна кароткія тэрміны знайсці інавацыйныя рашэнні гэтай праблемы без істэрык і мітусні", - адзначыў беларускі лідар.

Хвароба ў нас у галаве, упэўнены Аляксандр Лукашэнка: "Сёння ўжо Захад і Расія не саромеюцца: слова ў слова паўтараюць тое, што я гаварыў два гады таму. Што трэба для таго, каб пераадолець COVID? Першае, не павінна быць панікі, і другое - вакцына. Хто толькі нас за гэта ні крытыкаваў, а сёння ўвесь свет прытрымліваецца беларускага шляху. І яны не могуць нам дараваць тое, што сёння самі вымушаны гэты шлях паўтараць, прызнаючы такім чынам нашу слушнасць. Але які цынізм: укараняючы ў барацьбе з вірусам беларускі вопыт, прадаўжаюць на нас за гэты асаблівы шлях лячэння націскаць. Гэта адна з прычын націску на нас".

Прэзідэнт упэўнены, што наша рэагаванне на пандэмію каранавіруса выразна паказвае, што мы можам не толькі з годнасцю выходзіць са складанасцей, але і задаваць новы тон у пераадоленні глабальных праблем. "Гэта пацвярджэнне суверэннай палітыкі Беларусі. Мы заўсёды самі прымалі рашэнні, вызначалі шляхі развіцця. І так будзем рабіць заўсёды, абапіраючыся на нашы перакананні і каштоўнасці", - сказаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі