26 лістапада, Гродзенскі раён /Кар. БЕЛТА/. Беларускі бок не проста будзе спадзявацца на вырашэнне міграцыйнага крызісу на граніцы, а разам з бежанцамі працаваць над іх марай. Аб гэтым Прэзідэнт Беларусі Аляксандр Лукашэнка заявіў сёння, размаўляючы з бежанцамі каля ТЛЦ побач з пунктам пропуску "Брузгі" на беларуска-польскай граніцы, перадае карэспандэнт БЕЛТА.
"Мы не проста будзем спадзявацца, мы будзем разам з вамі працаваць над вашай марай", - сказаў Аляксандр Лукашэнка.
У час размовы з кіраўніком дзяржавы бежанцы выказалі ўдзячнасць беларускаму народу і кіраўніцтву краіны за аказаную падтрымку і прадастаўленую дапамогу, асабліва за клопат аб іх дзецях.
Прэзідэнт нагадаў, што ў 1940-я гады дружалюбныя мусульманскія краіны аказалі падтрымку Савецкаму Саюзу: яны прынялі ў сябе савецкіх грамадзян, якія беглі ад вайны. "Вы іх прытулілі, накармілі, і асабліва палякаў. Сёння настаў час за гэта разлічыцца. І мы будзем рабіць усё для таго, каб вы не былі пакрыўджаны на нас. Усё, што мы можам, мы робім. Як у нас кажуць, што вінен, аддаць павінен", - адзначыў кіраўнік дзяржавы.-0-
