Лукашэнка: мы наследнікі герояў-пераможцаў, гэты статус шмат да чаго абавязвае і многіх раздражняе

Кіраўнік дзяржавы падзякаваў за арганізацыю форуму і запрашэнне прыняць у ім удзел, адзначыўшы, што час і месца яго правядзення маюць сімвалічнае значэнне. Форум праходзіць у Валгаградзе (да 1961 года - Сталінград) - горадзе, які стальной, непераадольнай крэпасцю паўстаў на шляху захопнікаў. Адсюль пачаўся адлік часу, які набліжаў пераможны май, і карэнны пералом у гады вайны, калі перамога была беспаваротнай і вораг ужо нічога не мог змяніць - шлях быў толькі адзін, на Берлін.

Цяперашняя сустрэча, паводле слоў Прэзідэнта, не толькі даніна агульнаму гераічнаму мінуламу. "Мы звяртаемся да гісторыі, каб абараніць не толькі будучыню, але ўжо сучаснасць. Так сёння стаіць пытанне, - падкрэсліў ён. - Мы наследнікі вялікага пакалення - герояў-пераможцаў. І нам саромецца няма чаго і нешта ўтойваць. Гэты статус шмат да чаго абавязвае. Але і многіх раздражняе. Нам процістаяць нашчадкі прайграўшых прыхільнікаў Трэцяга рэйха. Аб гэтым мы ўсё больш і больш гаворым".

Менавіта Сталінград прыняў беспрэцэдэнтны па моцы 200-дзённы ўдар, канстатаваў кіраўнік дзяржавы. Тысячы загінулых герояў. Кожны, ад генерала да салдата, разумеў: тут вырашаецца лёс чалавецтва і ход сусветнай гісторыі", - дадаў Прэзідэнт. Калі б яны завагаліся і вораг атрымаў доступ да запасаў нафты, перамога ў вайне аказалася б недасягальнай. "Адступаць было нельга. Не гаварылі б пра Курскую дугу. Наступным лёс вырашаў бы пытанне Масквы", - звярнуў увагу Аляксандр Лукашэнка.

"Таму тут усе паўсталі намертва, - прадоўжыў ён. - Таму на Волзе стаялі насмерць. Як у Брэсцкай крэпасці". Беларускі лідар заўважыў, што Уладзімір Пуцін, вызначыўшы менавіта Валгаград месцам правядзення форуму, зрабіў вельмі правільны выбар. "Гэта вельмі дакладнае месца, гэта дакладнае траплянне для таго, каб абмеркаваць тыя праблемы, якія перад намі стаяць, якія нам навязваюць нашчадкі", - сказаў беларускі лідар.

Прадаўжаючы размову аб падзеях ваеннага часу, кіраўнік дзяржавы прывёў цытату камандуючага 62-й арміяй генерала Васіля Іванавіча Чуйкова: "Мы, жывыя ўдзельнікі баёў за Сталінград, сведчым, што тут нашы воіны не ведалі страху ў баі, не адступалі перад смерцю, вялі бітву з такой рашучасцю, што нават мёртвыя не выпускалі з рук зброю..."

"Паўтараю: мёртвыя не выпускалі з рук зброю. Дадаць да гэтага няма чаго. Мы ўсе з вамі кланяемся героям, якія змаглі вытрымаць смяротны ўдар, устаць ва ўвесь рост і адкінуць азвярэлага ворага, пагнаўшы яго да Берліна", - сказаў Прэзідэнт.-0-