3 ліпеня, Мінск /Кар. БЕЛТА/. Беларусь будзе рабіць усё, каб выстаяць у гэты няпросты час. Аб гэтым Прэзідэнт Беларусі Аляксандр Лукашэнка заявіў на цырымоніі ўскладання вянка ў мемарыяльным комплексе "Курган Славы", перадае карэспандэнт БЕЛТА.
"Вы ведаеце аб прынятых рашэннях блока НАТА аб павелічэнні колькасці ўзброеных сіл ва Усходняй Еўропе ў 10 разоў. Навошта ў мірны час? Для таго, каб ваяваць. І нам трэба выстаяць. І мы будзем рабіць усё для таго, каб выстаяць і перамагчы. Каб гэты сівавалосы курган заўсёды бачыў наша адзінства і разумеў, што памяці мы не здраджваем", - падкрэсліў Аляксандр Лукашэнка.
Кіраўнік дзяржавы яшчэ раз павіншаваў усіх прысутных са святам, пажадаўшы ўсім здароўя, шчасця і дабрабыту. "Міру, толькі міру і працвітання нашым народам. Усё будзе нармальна!" - заявіў ён.-0-
