ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +15°C
Усе навіны
Усе навіны
Прэзідэнт
03 снежня 2021, 12:45

Лукашэнка: мы аказаліся галоўным звяном у націску на Расію, і не можам здрадзіць ёй і рускаму народу

Фота з архіва
Фота з архіва

3 снежня, Мінск /Кар. БЕЛТА/. Беларусь аказалася галоўным звяном у націску Захаду на Расію, і ў гэтым процістаянні не можа здрадзіць свайму суседу, рускаму народу, расіянам. Такую заяву Прэзідэнт Беларусі Аляксандр Лукашэнка зрабіў сёння на нарадзе па сацыяльна-эканамічным развіцці краіны, перадае карэспандэнт БЕЛТА.

Кіраўнік дзяржавы заўважыў, што ў грамадстве ўзнікае ўсё больш пытанняў у сувязі з тым, што Захад пачаў эканамічнае ўдушэнне Беларусі. "Не сакрэт, ідзе гібрыдная вайна. Вайна даўно пачалася. Не толькі супраць нас. Перш за ўсё - супраць Расійскай Федэрацыі, і мы звяно ў гэтым націску на Расію. Больш таго, мы аказаліся на пярэднім плане. Таму нам дастаецца першымі, і не проста. Мы гэта з Прэзідэнтам Расіі бачым, ацэньваем і дзейнічаем адпаведным чынам, адэкватна", - падкрэсліў ён.

Аляксандр Лукашэнка нагадаў, што ў мінулым годзе планы Захаду зрэзаць "беларускі балкон" праваліліся, і таму яны пачалі рэалізацыю наступных этапаў націску, каб дабіцца сваіх мэт. Аб гэтых намерах, этапах націску на Беларусь Прэзідэнт неаднаразова гаварыў публічна. "Вось чарговы этап: яны карыстаюцца любымі метадамі (бежанцы, не бежанцы - няважна), каб націснуць на нас, а праз нас - на Расію. Вы бачыце, што адбываецца ад Чорнага мора да Балтыкі. І мы аказаліся галоўным звяном у націску на Расійскую Федэрацыю. Мы можам змяніць свой курс і здрадзіць Расіі, рускаму народу, расіянам? Не можам?" - падкрэсліў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі