Сцяг Пятніца, 29 сакавіка 2024
Усе навіны
Усе навіны
Прэзідэнт
07 ліпеня 2020, 13:39

Лукашэнка: Мінск з'яўляецца ўзорным горадам для правядзення спартыўных і культурных мерапрыемстваў

7 ліпеня, Мінск /Кар. БЕЛТА/. Сёння Мінск з'яўляецца ўзорным горадам для правядзення розных спартыўных і культурных мерапрыемстваў. Аб гэтым Прэзідэнт Беларусі Аляксандр Лукашэнка заявіў сёння на сустрэчы з актывам Мінска, паведамляе БЕЛТА.

Кіраўнік дзяржавы нагадаў, як за апошнія дзесяцігоддзі развівалася інфраструктура сталіцы, уключаючы завяршэнне будаўніцтва Палаца Рэспублікі, узвядзенне новага будынка Нацыянальнай бібліятэкі.

Значныя намаганні былі прыкладзены і для будаўніцтва сучасных спартыўных аб'ектаў, што ў тым ліку дало магчымасць на высокім узроўні правесці II Еўрапейскія гульні. "Гэта быў прарыў. Калі хочаце, дыпламатычны прарыў", - падкрэсліў ён.

Аляксандр Лукашэнка адзначыў, што ўсё пабудаванае застанецца і будучым пакаленням мінчан. "Сёння Мінск з'яўляецца ўзорным горадам для правядзення розных спартыўных і культурных мерапрыемстваў", - сказаў Прэзідэнт.

"Вы помніце стадыён наш "Дынама" (наш нацыянальны гонар), што там рабілася, вы ведаеце. А Чыжоўка цяпер… Гэта ўжо было хадзячай назвай. Гэтай назвай дзяцей палохалі тады. Лічылася, і ў многім не без падстаў, што ў гэтым раёне адно п'янства, крымінал, зайсці туды страшна было. Ну а цяперашняя Чыжоўка - вы яе бачыце і можаце, людзі старэйшыя, параўнаць. Тое ж самае Лошыца, Уручча, Чырвоны Бор... У гэтых мясцінах мы пабудавалі самыя развітыя і сучасныя мікрараёны", - нагадаў Аляксандр Лукашэнка.-0-

Падпісвайцеся на нас у
Twitter
Топ-навіны
Свежыя навіны Беларусі