15 снежня, Маскат /Кар. БЕЛТА/. Прэзідэнт Беларусі Аляксандр Лукашэнка заявіў аб імкненні Мінска стаць міжнародным гандлёва-лагістычным і вытворчым хабам. Аб гэтым гаворыцца ў яго артыкуле, які выйшаў на электронным партале газеты Omandaily, паведамляе БЕЛТА.
Кіраўнік дзяржавы запэўніў, што беларускія экспарцёры гатовы да сумеснага асваення новых рынкаў у рамках нацыянальнай праграмы Амана па прыцягненні замежных інвестыцый.
"Дзякуючы свайму размяшчэнню Мінск таксама імкнецца ўмацоўваць інвестыцыйнае супрацоўніцтва шляхам прыцягнення прамых замежных інвестыцый высокай якасці для рэалізацыі амбіцыйнай задачы - стаць міжнародным гандлёва-лагістычным і вытворчым хабам", - гаворыцца ў артыкуле.
Прэзідэнт упэўнены, што гэта выдатная магчымасць для аманскіх кампаній, якія шукаюць сферы для інвесціравання ў несыравінныя галіны. "Такое партнёрства будзе садзейнічаць развіццю вытворчай базы ў розных сектарах эканомікі і павелічэнню ўкладу экспарту ў ВУП нашых краін", - адзначыў Аляксандр Лукашэнка.-0-
Падпісвайцеся на нас у
