25 сакавіка, Мінск /Кар. БЕЛТА/. Афіцыйныя Мінск і Маскву дэманізуюць перад астатнім светам, пераплёўваючы Шарпа і Гебельса. Аб гэтым Прэзідэнт Беларусі Аляксандр Лукашэнка заявіў сёння на нарадзе аб бягучых пытаннях дзейнасці сродкаў масавай інфармацыі, перадае карэспандэнт БЕЛТА.
"Вы бачыце, як груба супраць нас ваююць. Дэманізуюць афіцыйныя і Маскву, і Мінск перад астатнім светам. Пераплюнулі ўжо нават Шарпа і Гебельса", - сказаў Аляксандр Лукашэнка.
Ён звярнуў увагу, што на людзей з інтэрнэту льюцца патокі самай нахабнай і дзікай хлусні. "Забыты ўсе правілы прыстойнасці. Пра нормы журналістыкі, прафесійную адказнасць наогул ніхто не ўспамінае. Гэта поўнамаштабная інфармацыйная вайна - за розумы нашых людзей, за будучыню дзяцей. Мы прайграць гэту вайну не можам. Мы і не павінны яе прайграць, калі не дапусцім глабальных памылак", - падкрэсліў кіраўнік дзяржавы.-0-