22 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў заслужаную артыстку Рэспублікі Беларусь Алену Спірыдовіч з юбілейнай датай. Аб гэтым БЕЛТА паведамілі ў прэс-службе беларускага лідара.
"Усё ваша творчае жыццё непарыўна звязана з беларускім тэлебачаннем, - адзначыў кіраўнік дзяржавы. - Мільёны гледачоў нашай краіны і замежжа ведаюць вас як вядучую знакавых культурных мерапрыемстваў, сярод якіх асаблівае месца займае міжнародны фестываль мастацтваў "Славянскі базар у Віцебску".
"Вашы яркія талент, дзіўнае абаянне, інтэлігентнасць, чулае і паважлівае стаўленне да аўдыторыі з'яўляюцца ўзорам найвышэйшага прафесійнага майстэрства", - падкрэсліў Прэзідэнт.
Аляксандр Лукашэнка пажадаў заслужанай артыстцы моцнага здароўя, натхнення, невычэрпнай энергіі, шчасця і дабрабыту.-0-