Мабільная версія
ДЗЯРЖОРГАНЫ

Апошнія навіны
Усе навіны

Лукашэнка лічыць важным паскорыць работу парламента над прыняццем бюджэтных дакументаў на 2020 год

Прэзідэнт 16.09.2019 | 11:37
У час сустрэчы
У час сустрэчы

16 верасня, Мінск /Кацярына Крышэнік - БЕЛТА/. Прэзідэнт Беларусі Аляксандр Лукашэнка лічыць важным паскорыць работу парламента над прыняццем пакета бюджэтных дакументаў на 2020 год. Аб гэтым кіраўнік дзяржавы заявіў на сустрэчы са старшынёй Палаты прадстаўнікоў Нацыянальнага сходу Уладзімірам Андрэйчанкам, перадае карэспандэнт БЕЛТА.

"У нас застаўся шэраг важнейшых пытанняў, якія мы не можам не разгледзець цяперашнім складам (парламента. - Заўвага БЕЛТА). Так было заўсёды. Мы ўступаем у новы год - фінансавы, эканамічны, як хочаце яго можна называць - і ў вельмі важны палітычны перыяд (ці тое яшчэ будзе ў будучым годзе). Таму нам вельмі неабходна разгледзець і прыняць асноўныя планавыя фінансавыя дакументы на будучы год - прагноз развіцця (прагноз сацыяльна-эканамічнага развіцця краіны. - Заўвага БЕЛТА) і бюджэт", - падкрэсліў Прэзідэнт.

Аляксандр Лукашэнка адзначыў сваю дасведчанасць аб рабоце ў гэтым напрамку профільных камісій парламента і асобных дэпутатаў разам з урадам, Мінфінам. "Гэта добрая практыка, яе трэба захаваць і ў будучым парламенце, перанесці гэты вопыт", - лічыць ён.

Звяртаючыся да старшыні Палаты прадстаўнікоў, кіраўнік дзяржавы выказаў меркаванне аб неабходнасці актывізаваць работу дэпутатаў над пакетам бюджэтных дакументаў. "На фінішы трэба бегчы хутчэй, прыгажэй, каб гэта запомнілася людзям", - адзначыў ён.

Аляксандр Лукашэнка таксама прапанаваў арганізаваць сустрэчу Прэзідэнта з парламентарыямі цяперашняга склікання. "Будзе правільна, калі я падзякую ім за работу, - сказаў ён. - Усё, што мы зрабілі, гэта зроблена не толькі Прэзідэнтам. Лёс такі, што гэта асацыіруецца з першай асобай. Але ж працавалі не толькі Лукашэнка, Андрэйчанка, Мясніковіч, Качанава і іншыя. Працавалі ж тысячы людзей, і перш за ўсё парламентарыі. На што працавалі? На стабільнасць", - канстатаваў беларускі лідар.

Ён нагадаў, што ў дзейнасці парламента, у тым ліку ў той перыяд, калі і Аляксандр Лукашэнка з'яўляўся дэпутатам, была розная абстаноўка, часам далёкая ад стабільнай, спакойнай. "Мы з табой помнім, што рабілася ў першым незалежным парламенце, што было ў другім, у гады суверэннай Беларусі. Гэта ўсё ўкідвалася ў сферу жыцця людзей. Гэта не толькі нервавала нашых людзей, але і было некаму дрэнным прыкладам. Гэта значыць мы стваралі тады з табой пэўную нестабільнасць. Мы нясём за гэта таксама адказнасць. Хоць ніколі не штурхалі людзей на вуліцы, не крычалі і гэтак далей", - сказаў Прэзідэнт, звяртаючыся да Уладзіміра Андрэйчанкі.

"Парламент вельмі вялікую ролю адыгрывае ў прыўнясенні стабільнасці ў наша грамадства. Гэта не толькі вышэйшы заканадаўчы, але і прадстаўнічы орган", - падкрэсліў кіраўнік дзяржавы.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.