1 верасня, Мінск /Кар. БЕЛТА/. Прэзідэнт Беларусі Аляксандр Лукашэнка лічыць, што не ўсё было зроблена для прадухілення Вялікай Айчыннай вайны. Аб гэтым кіраўнік дзяржавы заявіў у ходзе адкрытага ўрока на тэму "Гістарычная памяць - дарога ў будучыню", перадае карэспандэнт БЕЛТА.
"Касякоў у гісторыі любога народа хапае. Нехта пачынаў войны", - адзначыў кіраўнік дзяржавы.
Аляксандр Лукашэнка прывёў прыклад Германіі: "Самае страшнае, загубілі столькі людзей". Ёсць меркаванне, што на планеце ў ходзе Другой сусветнай вайны загінулі каля 50 млн чалавек. Але Прэзідэнт лічыць, што лічбы могуць быць намнога большыя. Паколькі толькі ў Савецкім Саюзе, паводле апошніх даных, загінулі каля 30 млн, калі не больш. Мільёны чалавек страціў Кітай і іншыя дзяржавы.
"Думаю, што мы недзе пад 70, а можа, і больш тады страцілі", - сказаў Прэзідэнт.
Ён канстатаваў, што ў пасляваенныя гады ўлады, магчыма, не вельмі хацелі засвечваць вялікую лічбу страт. "Таму што гэта непрыемна для кіраўніцтва, што гінуць у цябе людзі. Вайна - гэта не толькі дрэнна для тых і гэта недахоп тых, хто нападаў, як фашысцкая Германія на чале з Гітлерам. Гэта і наш вялікі недахоп. Мы павінны згадзіцца з тым, што не ўсё зрабілі, каб прадухіліць Вялікую Айчынную вайну", - лічыць Прэзідэнт.
Разам з тым ён звярнуў увагу, што цяпер ужо цяжка меркаваць, як было дакладна. Паколькі заўсёды над канкрэтнымі падзеямі ёсць палітычны налёт. "Таму цяжка часам улезці ў гэту гістарычную сівізну і ацаніць тыя ці іншыя падзеі", - сказаў ён.-0-
