23 чэрвеня, Мінск /Кар. БЕЛТА/. Беларусі і Кузбасу пад сілу значна нарасціць тавараабарот. Аб гэтым Прэзідэнт Беларусі Аляксандр Лукашэнка заявіў 23 чэрвеня на сустрэчы з губернатарам Кемераўскай вобласці - Кузбаса Расійскай Федэрацыі Ільёй Серадзюком, перадае карэспандэнт БЕЛТА.
Прэзідэнт адзначыў, што ў Кемераўскай вобласці шырока выкарыстоўваецца беларуская тэхніка. Разам з тым тавараабарот апошнім часам стаў прасядаць. Так, у 2024 годзе Беларусь і Кемераўская вобласць нагандлявалі на $225 млн. Для параўнання: у 2022 годзе тавараабарот перасягнуў $614 млн.
"Паўмільярда стабільна, я думаю, мы можам мець тавараабарот. І ад гэтага адыходзіць не павінны. Я разумею цяжкасці і складанасці, пра якія сёння гавораць (толькі лянівы не гаворыць): вось у Расіі і стаўкі, і тое, і другое. Вы ведаеце, заўсёды можна на нешта спаслацца, але калі мы паставім перад сабой мэту пераўзысці ўсё гэта, нівеліраваць, мы гэта можам зрабіць. Калі мы паставім за мэту хаця б паўмільярда долараў мець тавараабарот з Кузбасам", - сказаў Аляксандр Лукашэнка.
У Кемераўскай вобласці, у прыватнасці, запатрабаваны самазвалы БЕЛАЗ. У пэўным сэнсе Кузбас нават з'яўляецца своеасаблівым выпрабавальным палігонам для беларускай тэхнікі: у гэты рэгіён ідуць самыя перадавыя ўзоры. Беларусь гатова пашыраць пастаўкі пасажырскай, сельскагаспадарчай і камунальнай тэхнікі.
"Але ёсць праблема, якую нам з вамі трэба вырашыць. Гэта мультыбрэндавыя цэнтры, якія стварылі ў Кузбасе. Там прадстаўлена ўся тэхніка: і МАЗ, і МТЗ, і "Белкамунмаш", і сельскагаспадарчая прычапная тэхніка. Мы гатовы шырэй супрацоўнічаць праз вас з тым рэгіёнам, дзе размешчаны Кузбас. Гэта фактычна палавіна Сібіры. Густанаселенай Сібіры. Давайце разам падумаем, як гэты цэнтр задзейнічаць такім чынам, каб ён павялічваў свае аб'ёмы. Мы да гэтага гатовы", - падкрэсліў беларускі лідар.
Кіраўнік дзяржавы таксама звярнуў увагу, што Беларусь гатова прадаставіць партнёрам і пэўныя прэферэнцыі, напрыклад прадаваць тэхніку ў лізінг. "Адзінае, нам у гэтым плане патрэбны гарантыі. Гарантыі - гэта сумленна. Каб мы паставілі па лізінгу - і аплата была. Таму што мы дзясяткі мільёнаў долараў страцілі ў Расіі, калі супрацоўнічалі без гарантый невядома з якімі кампаніямі. Яны развальваліся, сыходзілі, а потым генеральныя пракуроры Расіі і Беларусі (дзякуй пракуратуры Расіі) па ўсёй Расіі шукалі гэтых людзей для таго, каб прыцягнуць да адказнасці. Гэта нядобра. Таму нам патрэбны гарантыі", - заявіў Прэзідэнт.
Асобна Аляксандр Лукашэнка закрануў пастаўкі сельскагаспадарчай прадукцыі. Беларусь у тым ці іншым аб'ёме заўсёды пастаўляла гэтыя тавары ў Кемераўскую вобласць.
"Калі вас гэта задавольвае, мы гатовы з вамі працаваць у галіне насенняводства, племяннога развядзення жывёлы, па іншых напрамках, у тым ліку бульбаводстве (у нас цэлы інстытут, і мы нядрэнна працуем па насенні і новых сартах любых культур). Увогуле, спектр адносін вялізны. Калі толькі мы здольны падставіць у нечым плячо вашаму рэгіёну, мы заўсёды гатовы гэта зрабіць", - рэзюмаваў кіраўнік дзяржавы.-0-
Прэзідэнт адзначыў, што ў Кемераўскай вобласці шырока выкарыстоўваецца беларуская тэхніка. Разам з тым тавараабарот апошнім часам стаў прасядаць. Так, у 2024 годзе Беларусь і Кемераўская вобласць нагандлявалі на $225 млн. Для параўнання: у 2022 годзе тавараабарот перасягнуў $614 млн.
"Паўмільярда стабільна, я думаю, мы можам мець тавараабарот. І ад гэтага адыходзіць не павінны. Я разумею цяжкасці і складанасці, пра якія сёння гавораць (толькі лянівы не гаворыць): вось у Расіі і стаўкі, і тое, і другое. Вы ведаеце, заўсёды можна на нешта спаслацца, але калі мы паставім перад сабой мэту пераўзысці ўсё гэта, нівеліраваць, мы гэта можам зрабіць. Калі мы паставім за мэту хаця б паўмільярда долараў мець тавараабарот з Кузбасам", - сказаў Аляксандр Лукашэнка.
У Кемераўскай вобласці, у прыватнасці, запатрабаваны самазвалы БЕЛАЗ. У пэўным сэнсе Кузбас нават з'яўляецца своеасаблівым выпрабавальным палігонам для беларускай тэхнікі: у гэты рэгіён ідуць самыя перадавыя ўзоры. Беларусь гатова пашыраць пастаўкі пасажырскай, сельскагаспадарчай і камунальнай тэхнікі.
"Але ёсць праблема, якую нам з вамі трэба вырашыць. Гэта мультыбрэндавыя цэнтры, якія стварылі ў Кузбасе. Там прадстаўлена ўся тэхніка: і МАЗ, і МТЗ, і "Белкамунмаш", і сельскагаспадарчая прычапная тэхніка. Мы гатовы шырэй супрацоўнічаць праз вас з тым рэгіёнам, дзе размешчаны Кузбас. Гэта фактычна палавіна Сібіры. Густанаселенай Сібіры. Давайце разам падумаем, як гэты цэнтр задзейнічаць такім чынам, каб ён павялічваў свае аб'ёмы. Мы да гэтага гатовы", - падкрэсліў беларускі лідар.
Кіраўнік дзяржавы таксама звярнуў увагу, што Беларусь гатова прадаставіць партнёрам і пэўныя прэферэнцыі, напрыклад прадаваць тэхніку ў лізінг. "Адзінае, нам у гэтым плане патрэбны гарантыі. Гарантыі - гэта сумленна. Каб мы паставілі па лізінгу - і аплата была. Таму што мы дзясяткі мільёнаў долараў страцілі ў Расіі, калі супрацоўнічалі без гарантый невядома з якімі кампаніямі. Яны развальваліся, сыходзілі, а потым генеральныя пракуроры Расіі і Беларусі (дзякуй пракуратуры Расіі) па ўсёй Расіі шукалі гэтых людзей для таго, каб прыцягнуць да адказнасці. Гэта нядобра. Таму нам патрэбны гарантыі", - заявіў Прэзідэнт.
Асобна Аляксандр Лукашэнка закрануў пастаўкі сельскагаспадарчай прадукцыі. Беларусь у тым ці іншым аб'ёме заўсёды пастаўляла гэтыя тавары ў Кемераўскую вобласць.
"Калі вас гэта задавольвае, мы гатовы з вамі працаваць у галіне насенняводства, племяннога развядзення жывёлы, па іншых напрамках, у тым ліку бульбаводстве (у нас цэлы інстытут, і мы нядрэнна працуем па насенні і новых сартах любых культур). Увогуле, спектр адносін вялізны. Калі толькі мы здольны падставіць у нечым плячо вашаму рэгіёну, мы заўсёды гатовы гэта зрабіць", - рэзюмаваў кіраўнік дзяржавы.-0-
Падпісвайцеся на нас у
