3 сакавіка, Мінск /Кар. БЕЛТА/. Ніякіх кланаў у ахове здароўя не будзе і быць не павінна. Аб гэтым Прэзідэнт Беларусі Аляксандр Лукашэнка заявіў нованазначанаму міністру аховы здароўя Аляксандру Хаджаеву, перадае карэспандэнт БЕЛТА.
"Што датычыцца аховы здароўя, нараканняў - мноства. Але вы ведаеце, чаму нараканні гэтыя ідуць. Вы (новы віцэ-прэм'ер Уладзімір Каранік, які раней узначальваў Міністэрства аховы здароўя. - Заўвага БЕЛТА) там дапаможаце яму разабрацца. Ці бачыце, не той чалавек прыйшоў. Разумееце, не з той кагорты. Не будзе ніякіх там кланаў у ахове здароўя. Не будзе. Таму дзейнічайце. Калі вы будзеце марудна разгортвацца, вас будуць таптаць і аб вас выціраць ногі. І ні ён, ні я вам не дапаможам і дапамагаць не будзем, калі вы не зможаце абараніць сябе і сваіх непасрэдных падначаленых", - сказаў кіраўнік дзяржавы.
"Таму дзейнічайце. Вы назначаны Прэзідэнтам, і ніхто не мае права ў вас каменне кідаць", - падкрэсліў беларускі лідар.
Аляксандр Лукашэнка адзначыў, што ў ахове здароўя выбудавана сістэма, пачынаючы ад ФАПаў да навукова-практычных цэнтраў на самым версе. "Яна павінна працаваць. І ў ФАП прыходзяць таксама людзі. І прытым нашы людзі. Не багатыя людзі, адкуль ён (звяртаючыся да новага віцэ-прэм'ера Уладзіміра Караніка. - Заўвага БЕЛТА), адкуль я і адкуль вы", - сказаў Прэзідэнт.
"Ну, у цябе бацька (Валерый Хаджаеў, бацька цяперашняга міністра аховы здароўя, калісьці займаў пасаду першага намесніка міністра. - Заўвага БЕЛТА) быў, вядома, вялікім чалавекам. Табе, можа, і прасцей было раней. Дык у яго пытайся. Ён нядрэнным быў спецыялістам. Ён табе падкажа. Не па кадрах, а падкажа, дзе не дапусціць памылкі. Гэта не забараняецца", - дадаў кіраўнік дзяржавы.-0-
Падпісвайцеся на нас у
