17 студзеня, Мінск /Кар. БЕЛТА/. Каля граніц Беларусі ідзе нарошчванне ваеннага кантынгенту Украіны. Аб гэтым Прэзідэнт Беларусі Аляксандр Лукашэнка заявіў сёння, заслухоўваючы даклад аб задуме сумеснага аператыўнага вучэння ўзброеных сіл Беларусі і Расіі, перадае карэспандэнт БЕЛТА.
Прэзідэнт заявіў, што насцярожвае абстаноўка на паўднёвых рубяжах Беларусі. "Украіна прадаўжае нарошчваць сілы, канцэнтруючы падраздзяленні нацыянальнай гвардыі з "нацыяналістаў-радыкалаў". Гэта яшчэ мацней, чым натаўскія ваеннаслужачыя. І гэта ўсё ў непасрэднай блізкасці ад Дзяржаўнай граніцы нашай краіны. Зноў жа, пад выглядам таго, што будуць змагацца з мігрантамі. Ды мігранты туды нават у страшным сне не трапяць. Яны туды не ідуць і не збіраюцца ва Украіну ісці, мы гэта добра разумеем. З Украіны свае людзі бягуць, а яны будуць "абараняцца ад мігрантаў з Беларусі", - сыранізаваў Аляксандр Лукашэнка.
Ва Украіне каля беларускіх граніц праводзіцца спецаперацыя "Палессе", у прыгранічча выведзена да 10 тыс. ваеннаслужачых. "Гэта значыць дынаміка такая, што ідзе нарошчванне ваеннага кантынгенту на паўднёвых граніцах нашай краіны", - канстатаваў Прэзідэнт.-0-
