15 снежня, Магілёў /Кар. БЕЛТА/. Калі людзі будуць бачыць перспектывы жыцця ў рэгіёнах, то будуць тут жыць. Аб гэтым Прэзідэнт Беларусі Аляксандр Лукашэнка заявіў 14 снежня ў час прадстаўлення новага старшыні Магілёўскага аблвыканкама, перадае карэспандэнт БЕЛТА.
"Мяне насцярожвае ваша дэмаграфічная сітуацыя", - звярнуў увагу Аляксандр Лукашэнка.
Паводле яго даных, за апошнія 10 гадоў насельніцтва ў рэгіёне скарацілася на 70 тыс. чалавек. Па сутнасці, страчаны буйны горад. "Але галоўнае - гэта перспектывы. Калі людзі будуць бачыць тут перспектыву, то яны будуць тут жыць", - заявіў Прэзідэнт.-0-
