15 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў калектыў Беларускага радыё са 100-годдзем арганізацыі. Аб гэтым БЕЛТА паведамілі ў прэс-службе кіраўніка дзяржавы.
"На працягу стагоддзя вы з'яўляецеся пазнаваемым голасам нашай Радзімы, нязменным эталонам і прадаўжальнікам лепшых традыцый айчыннага радыёвяшчання, аб'ядноўваючы, натхняючы і выхоўваючы сваёй творчасцю", - гаворыцца ў віншаванні.
Прэзідэнт адзначыў, што дзякуючы спалучэнню перадавых тэхналогій і журналісцкага майстэрства калектыў Беларускага радыё стварае сучасную культурную прастору краіны і ўмацоўваеце яе інфармацыйны суверэнітэт.
"Любімыя песні і правераныя часам перадачы, новыя праграмы і асаблівы каларыт гучання дапамагаюць Беларускаму радыё захоўваць сваю ўнікальнасць і заваёўваць сэрцы слухачоў", - дадаў Аляксандр Лукашэнка.
Кіраўнік дзяржавы перакананы, што прафесіяналізм, аб'ектыўнасць і адданасць справе дадуць магчымасць радыё і ў далейшым заставацца надзейнай крыніцай інфармацыі і верным спадарожнікам для мільёнаў беларусаў.
Беларускі лідар пажадаў ветэранам і работнікам Беларускага радыё здароўя, дабрабыту і прафесійнага даўгалецця, напоўненага яркімі ідэямі і паспяховымі праектамі.
Віншаванне Прэзідэнта Беларусі калектыву Беларускага радыё са 100-годдзем арганізацыі
Калектыву Беларускага радыё
Дарагія сябры!
Віншую вас са 100-годдзем Беларускага радыё.
На працягу стагоддзя вы з'яўляецеся пазнаваемым голасам нашай Радзімы, нязменным эталонам і прадаўжальнікам лепшых традыцый айчыннага радыёвяшчання, аб'ядноўваючы, натхняючы і выхоўваючы сваёй творчасцю.
Дзякуючы спалучэнню перадавых тэхналогій і журналісцкага майстэрства вы ствараеце сучасную культурную прастору краіны і ўмацоўваеце яе інфармацыйны суверэнітэт.
Любімыя песні і правераныя часам перадачы, новыя праграмы і асаблівы каларыт гучання дапамагаюць Беларускаму радыё захоўваць сваю ўнікальнасць і заваёўваць сэрцы слухачоў.
Перакананы, што прафесіяналізм, аб'ектыўнасць і адданасць справе дадуць магчымасць радыё і ў далейшым заставацца надзейнай крыніцай інфармацыі і верным спадарожнікам для мільёнаў беларусаў.
Жадаю ветэранам і работнікам Беларускага радыё здароўя, дабрабыту і прафесійнага даўгалецця, напоўненага яркімі ідэямі і паспяховымі праектамі.
Аляксандр Лукашэнка,
15 лістапада 2025 года.-0-
Падпісвайцеся на нас у
