23 студзеня, Мінск /Кар. БЕЛТА/. Як бы Беларусі ні ставілі палкі ў колы, ключавыя галіны эканомікі даюць прырост. Аб гэтым Прэзідэнт Беларусі Аляксандр Лукашэнка заявіў 23 студзеня на цырымоніі ўручэння сімвалаў Дзяржаўнага знака якасці, перадае карэспандэнт БЕЛТА.
"Як бы ні ставілі нам палкі ў колы, ключавыя галіны эканомікі даюць прырост. ВУП у 2024 годзе склаў 104 працэнты. Як бы ні спрабавалі нам перакрыць кісларод, беларуская прадукцыя экспартавалася ў 154 краіны на агульную суму звыш $50 млрд. І мы нават выйшлі на 14 новых рынкаў збыту", - заявіў кіраўнік дзяржавы.
У краіне будуюцца новыя аб'екты, прадаўжаецца развіццё транспартнай і жыллёва-камунальнай інфраструктуры, укараняюцца сучасныя тэхналогіі ў вытворчасць. "Задаволенасць спажыўцоў прамысловай прадукцыяй склала амаль 97 працэнтаў", - адзначыў Аляксандр Лукашэнка.
Аб'яўленая пяцігодка якасці - чарговая планка, і вельмі высокая, заявіў Прэзідэнт. Паводле яго слоў, яна не проста стане арыенцірам для работы галін эканомікі, але закране ўсе сферы дзяржавы і грамадства.
"Мэта - забяспечыць новую якасць нашага жыцця, імкненне да якой павінна стаць складам мыслення, нацыянальным стылем, калі хочаце, перадавацца з пакалення ў пакаленне", - заявіў беларускі лідар.-0-
Падпісвайцеся на нас у
