ДЗЯРЖОРГАНЫДЗЯРЖОРГАНЫ
Панядзелак, 28 верасня 2020
Мінск Воблачна з праясненнямі +13°C
Усе навіны
Усе навіны
Прэзідэнт
09 жніўня 2020, 12:31

Лукашэнка: я гатовы да дыялогу з апанентамі ўлады, але на правакацыі адказ будзе адпаведны

9 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка, адказваючы на пытанні пасля галасавання на выбарах, заявіў, што гатовы да дыялогу з апанентамі ўлады, але на правакацыі адказ будзе адпаведны, перадае карэспандэнт БЕЛТА.

"Калі вы проста выказваеце сваю пазіцыю або пазіцыю некага і там відаць, што гэта Пятроў, Сідараў, Іваноў, я гэта вітаю. Я гатовы з вамі асабіста весці дыялог. Калі вы тэндэнцыйна пачынаеце сябе паводзіць, я таксама гэта бачу. І адносіны адпаведныя. А калі вы правакуеце, атрымаеце ў адказ тое ж самае. Вы што, хочаце спрабаваць звергнуць уладу, зламаць нешта, укалоць, зняважыць (як гэта вы рабілі ўпачатку больш, а цяпер менш) і чакаеце, што я або нехта перад вамі стане на калені і будзе цалаваць пясок, па якім вы хадзілі? Не будзе гэтага. Паводзьце сябе ў адпаведнасці з законам, і ў нас прэтэнзій да вас не будзе", - падкрэсліў Аляксандр Лукашэнка.

Кіраўнік дзяржавы адзначыў, што многія СМІ ў Беларусі і тыя, хто за імі стаяць, хацелі мардабою. Аднак улада прыняла няхай строгія, але прэвентыўныя меры. "Вы хочаце, каб я ўвёў краіну ў хаос? Дык вы ж мяне потым стопчаце і будзеце мець рацыю, таму што я не абараніў, у тым ліку вас і вашу сям'ю. Я хачу, каб было спакойна, каб мы з вамі вялі дыялог, калі ён ёсць. І калі вы можаце нешта зрабіць для краіны, я вам ствару ўсе ўмовы, каб вы працавалі на краіну. Калі вы будзеце змагацца супраць краіны, спрабаваць нават у нейкіх самых нязначных рэчах увесці краіну ў хаос і дэстабілізаваць, вы атрымаецце імгненны ад мяне адказ. Гэта ж мае канстытуцыйныя паўнамоцтвы. За што вы мяне папракаеце?" - задаў рытарычнае пытанне Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі