29 снежня, Санкт-Пецярбург /Кар. БЕЛТА/. Прэзідэнты Беларусі і Расіі Аляксандр Лукашэнка і Уладзімір Пуцін пасля перагавораў у Санкт-Пецярбургу сустрэліся на хакейнай пляцоўцы піцерскага комплексу "Стрэльна Арэна", перадае карэспандэнт БЕЛТА.
Кіраўнікі дзяржаў выйшлі на лёд у адной камандзе, але ў розных пяцёрках: Аляксандр Лукашэнка - пад нумарам 01, Уладзімір Пуцін - пад нумарам 11.
Як заяўляе Telegram-канал "Пул Першага", у таварыскім матчы "Белыя супраць чырвоных" таксама прымаюць удзел Вячаслаў Фяцісаў, Валерый Каменскі, Аляксей Касатонаў, Павел Бурэ, Сяргей Фёдараў, Ілья Кавальчук, Аляксей Жамноў і іншыя славутыя савецкія і расійскія хакеісты.
Таварыскі паядынак завяршыўся на карысць белых, за якіх гулялі лідары Беларусі і Расіі: лік на табло 18:7.
Прэзідэнты ў Стрэльне перад удзелам у хакейным матчы таксама сустрэліся з легендарнымі савецкімі хакеістамі Валерыем Каменскім, Аляксеем Касатонавым і Аляксандрам Якушавым. Ім былі ўручаны высокія расійскія дзяржаўныя ўзнагароды. Аляксандр Лукашэнка асабіста павіншаваў хакеістаў, паразмаўляў з імі, падзяліўся сваімі ўспамінамі як балельшчыка.-0-
