Лукашэнка: грошы, заробленыя ў Беларусі, павінны працаваць на Беларусь

3 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка 3 студзеня на сустрэчы з даверанымі асобамі выказаўся аб недапушчальнасці вываду грашовых сродкаў, заробленых у краіне, за яе межы, перадае карэспандэнт БЕЛТА.

Кіраўнік дзяржавы звярнуў увагу, што ў цэнаўтварэнні павінен строга захоўвацца прынцып справядлівасці і раўнапраўя. Асноўныя падыходы да пытанняў цэнаўтварэння ў Беларусі вядомы, пра іх неаднаразова заяўлялася публічна, таму адказныя асобы ва ўрадзе, а таксама іншыя зацікаўленыя, каму даручана займацца гэтым пытаннем, ведаюць, што рабіць. "Гэту праблему трэба вырашаць. Вырашаць у плане справядлівасці і раўнапраўя, - заявіў кіраўнік дзяржавы. - Гэта нядобра, калі гандаль або тыя, хто менш укладваюцца ў той ці іншы тавар, атрымліваюць вялізныя грошы, яшчэ і за мяжу выводзяць".

Пытаннем вываду фінансавых сродкаў за межы краіны, паводле слоў Прэзідэнта, трэба будзе заняцца ў бліжэйшы час. У першым прыбліжэнні гэта тэма ўжо абмяркоўвалася на ўзроўні кіраўніка дзяржавы, і, як дакладвалі адказныя службовыя асобы, асаблівых праблем няма. Калі і бываюць такія прэцэдэнты, то сумы зусім нязначныя.