Мабільная версія
ДЗЯРЖОРГАНЫ

Апошнія навіны
Усе навіны

Лукашэнка: галоўная каштоўнасць Беларусі - людзі, якія сваім талентам прымнажаюць славу краіны

Прэзідэнт 09.01.2019 | 17:54
Аляксандр Лукашэнка ўручае прэмію "За духоўнае адраджэнне" Юліі Быкавай
Аляксандр Лукашэнка ўручае прэмію "За духоўнае адраджэнне" Юліі Быкавай

9 студзеня, Мінск /Кар. БЕЛТА/. Галоўная каштоўнасць беларускай дзяржавы - гэта людзі, якія сваім талентам, творчасцю і працавітасцю прымнажаюць славу краіны. Аб гэтым Прэзідэнт Беларусі Аляксандр Лукашэнка заявіў 9 студзеня на цырымоніі ўручэння прэміі "За духоўнае адраджэнне", спецыяльнай прэміі і прэміі "Беларускі спартыўны Алімп", перадае карэспандэнт БЕЛТА.

"Мы заўсёды будзем беражліва ставіцца да свайго культурнага здабытку. Але галоўная каштоўнасць дзяржавы - гэта вы, нашы людзі, якія сваім талентам, творчасцю, працавітасцю прымнажаюць яе славу, натхняюць суайчыннікаў на добрыя справы, з'яўляюцца сапраўднымі патрыётамі", - заявіў Аляксандр Лукашэнка.

У час уручэння ўзнагарод кіраўнік дзяржавы адзначыў, што ў гэты святочны вечар у Палацы Рэспублікі ўшаноўваюць людзей з вялікім сэрцам, якія аддаюць сваю любоў, увагу і цеплыню дзецям з цяжкім лёсам, служыцеляў царквы, якія падарылі Новаму Запавету новае гучанне на беларускай мове.

Аляксандр Лукашэнка
Аляксандр Лукашэнка'

"Дзякуем калектывам, якія захоўваюць нашу самабытную культуру. Аўтарам і выканаўцам, якія ўслаўляюць любімы край у сваёй творчасці, - сказаў Аляксандр Лукашэнка. - Адзначаем усіх таленавітых дзеячаў культуры, чые праекты былі прызнаны лепшымі. Уручаем прэмію "Беларускі спартыўны Алімп" моцным духам, валявым людзям, якія прысвяцілі сваё жыццё высокім дасягненням айчыннага спорту. Аддаём даніну захаплення беларускім жанчынам, іх прыгажосці, духоўнасці, якія заслужылі сусветнае прызнанне".

Па выніках 2018 года прысуджаны чатыры прэміі "За духоўнае адраджэнне". Імі адзначаны працоўныя калектывы і прадстаўнікі рэлігійных аб'яднанняў за актыўную дзейнасць у гуманітарнай сферы.

Узнагароды ўдастоены аўтары музыкі і тэкстаў песень Юлія Быкава і Яўген Алейнік за ўвасабленне тэмы малой радзімы ў сучасным эстрадным мастацтве, калектывы Біблейскай камісіі Беларускай праваслаўнай царквы і Секцыі па перакладзе літургічных тэкстаў і афіцыйных дакументаў каталіцкай царквы камісіі Божага культу і дысцыпліны таінстваў пры Канферэнцыі каталіцкіх біскупаў у Беларусі за выданне кніг Новага Запавету на беларускай мове.

Аляксандр Лукашэнка ўручае прэмію
Аляксандр Лукашэнка ўручае прэмію "За духоўнае адраджэнне" Яўгену Алейніку'

Аляксандр Лукашэнка ўручае прэмію
Аляксандр Лукашэнка ўручае прэмію "За духоўнае адраджэнне" свяшчэннаслужыцелю Свята-Духава Кафедральнага сабора Сяргею Гардуну'

Аляксандр Лукашэнка ўручае прэмію
Аляксандр Лукашэнка ўручае прэмію "За духоўнае адраджэнне" кіраўніку секцыі па перакладзе літургічных тэкстаў і афіцыйных дакументаў каталіцкай царквы камісіі Божага культу і дысцыпліны таінстваў пры Канферэнцыі каталіцкіх біскупаў у Беларусі Яну Крэмісу'

Лаўрэатамі прэміі таксама сталі калектывы Беларускага дзіцячага хоспіса і Веснаўскага дома-інтэрната для дзяцей-інвалідаў з асаблівасцямі псіхафізічнага развіцця.

За выдатныя дасягненні ў сферы прафесійнага мастацтва, народнай і аматарскай мастацкай творчасці, навучання і патрыятычнага выхавання творчай моладзі, дабрачыннай дзейнасці, якія атрымалі грамадскае прызнанне, прысуджаны дзевяць спецыяльных прэмій Прэзідэнта Беларусі дзеячам культуры і мастацтва.

Узнагароды з рук кіраўніка дзяржавы атрымалі прадстаўнікі Акадэмічнага ансамбля песні і танца Узброеных Сіл Беларусі, калектывы Пастаўскага тэрытарыяльнага цэнтра сацыяльнага абслугоўвання насельніцтва, Беларускай дзяржаўнай харэаграфічнай гімназіі-каледжа, народнага сямейнага ансамбля "Сваякі" філіяла "Дом культуры аграгарадка Юбілейны" Ваўкавыскага раённага цэнтра культуры і народнай творчасці.

Спецыяльнай прэміі Прэзідэнта Беларусі ўдастоены заслужаны калектыў Беларусі
Спецыяльнай прэміі Прэзідэнта Беларусі ўдастоены заслужаны калектыў Беларусі "Акадэмічны ансамбль песні і танца Узброеных Сіл Рэспублікі Беларусь" за выдатныя дасягненні ў галіне музычнага мастацтва, рэалізацыю ў 2017-2018 гадах патрыятычнага творчага праекта "Айчыне служым". Аляксандр Лукашэнка ўручыў узнагароду начальніку ансамбля Уладзіміру Варапаеву і артыстцы Настассі Яцэвіч'

Спецыяльнай прэміі Прэзідэнта Беларусі ўдастоены калектыў Пастаўскага тэрытарыяльнага цэнтра сацыяльнага абслугоўвання насельніцтва
Спецыяльнай прэміі Прэзідэнта Беларусі ўдастоены калектыў Пастаўскага тэрытарыяльнага цэнтра сацыяльнага абслугоўвання насельніцтва'

Спецыяльнай прэміі Прэзідэнта Беларусі ўдастоены калектыў Беларускай дзяржаўнай харэаграфічнай гімназіі-каледжа
Спецыяльнай прэміі Прэзідэнта Беларусі ўдастоены калектыў Беларускай дзяржаўнай харэаграфічнай гімназіі-каледжа'

Спецпрэміі таксама ўручаны творчаму калектыву былых малалетніх вязняў фашызму "Лёсы", народнаму інструментальнаму ансамблю "Нясвіжскія лыжкары", вядучаму майстру сцэны Нацыянальнага акадэмічнага тэатра імя Я.Купалы народнаму артысту Беларусі Віктару Манаеву, уладальніцы тытулаў "Міс Беларусь - 2018" і "Міс свету Еўропа" Марыі Васілевіч, аўтарскаму калектыву Федэрацыі прафсаюзаў Беларусі ў складзе начальніка ўпраўлення па распрацоўцы і рэалізацыі спецыяльных праектаў галоўнага ўпраўлення па культуры і грамадскай рабоце апарату Савета ФПБ Сяргея Камадзея, яго намесніка Алены Голубевай, старшыні Ганцавіцкага раённага аб'яднання арганізацый прафсаюзаў Наталлі Кандратовіч.

Спецыяльнай прэміі Прэзідэнта Беларусі ўдастоены вядучы майстар сцэны Нацыянальнага акадэмічнага тэатра імя Янкі Купалы народны артыст Беларусі Віктар Манаеў
Спецыяльнай прэміі Прэзідэнта Беларусі ўдастоены вядучы майстар сцэны Нацыянальнага акадэмічнага тэатра імя Янкі Купалы народны артыст Беларусі Віктар Манаеў'

Спецыяльная прэмія Прэзідэнта Беларусі ўручана ўладальніцы тытулаў
Спецыяльная прэмія Прэзідэнта Беларусі ўручана ўладальніцы тытулаў "Міс Беларусь - 2018" і "Міс свету Еўропа" Марыі Васілевіч'

Спецыяльнай прэміі Прэзідэнта Беларусі ўдастоены намеснік начальніка ўпраўлення па распрацоўцы і рэалізацыі спецыяльных праектаў галоўнага ўпраўлення па культуры і грамадскай рабоце апарату Савета ФПБ Алена Голубева
Спецыяльнай прэміі Прэзідэнта Беларусі ўдастоены намеснік начальніка ўпраўлення па распрацоўцы і рэалізацыі спецыяльных праектаў галоўнага ўпраўлення па культуры і грамадскай рабоце апарату Савета ФПБ Алена Голубева'

Спецыяльнай прэміі Прэзідэнта Беларусі ўдастоена старшыня Ганцавіцкага раённага аб'яднання арганізацый прафсаюзаў Наталля Кандратовіч
Спецыяльнай прэміі Прэзідэнта Беларусі ўдастоена старшыня Ганцавіцкага раённага аб'яднання арганізацый прафсаюзаў Наталля Кандратовіч'

Спецыяльную прэмію "Беларускі спартыўны Алімп" 2018 года Прэзідэнт уручыў спартсмену-інструктару нацыянальнай каманды па лёгкай атлетыцы Вользе Мазуронак, намесніку загадчыка аддзела спартыўнага вяшчання ЗАТ "Другі нацыянальны тэлеканал" Барысу Герстэну, старшаму трэнеру-выкладчыку па спорце аддзялення скачкоў на батуце Гродзенскай спецыялізаванай дзіцяча-юнацкай школы алімпійскага рэзерву нумар 3 Ірыне Бараноўскай.

Спецыяльную прэмію
Спецыяльную прэмію "Беларускі спартыўны Алімп" 2018 года Прэзідэнт уручыў спартсмену-інструктару нацыянальнай каманды па лёгкай атлетыцы Вользе Мазуронак'

Спецыяльную прэмію
Спецыяльную прэмію "Беларускі спартыўны Алімп" 2018 года Прэзідэнт уручыў намесніку загадчыка аддзела спартыўнага вяшчання ЗАТ "Другі нацыянальны тэлеканал" Барысу Герстану'

Спецыяльную прэмію
Спецыяльную прэмію "Беларускі спартыўны Алімп" 2018 года Прэзідэнт уручыў старшаму трэнеру-выкладчыку па спорце аддзялення скачкоў на батуце Гродзенскай спецыялізаванай дзіцяча-юнацкай школы алімпійскага рэзерву нумар 3 Ірыне Бараноўскай'

Пасля цырымоніі ўручэння ўзнагарод для ўдзельнікаў вечара адбыўся святочны канцэрт "Раство. Радзіма. Адраджэнне". Асноўнай тэмай, што звязала разам усе нумары, стаў вобраз каляднай і святочнай Беларусі, дзе жывуць таленавітыя і добрыя людзі. Пры гэтым кожнае выступленне ўяўляла сабой міні-спектакль.

У час канцэрта былі выкананы шэдэўры сусветнай і айчыннай класічнай музыкі, лепшыя песні беларускіх кампазітараў, харэаграфічныя замалёўкі і літаратурныя нумары. На сцэну выйшлі артысты Акадэмічнага ансамбля пенсі і танца Узброеных Сіл, салісты Вялікага тэатра Беларусі Настасся Масквіна і Уладзімір Громаў, фіналіст тэлепраектаў "Талент краiны" і "Голас. Дзеці" Яраслаў Саколікаў, ансамбль "Песняры", спявачка Алёна Ланская і іншыя беларускія артысты і творчыя калектывы, у тым ліку лаўрэаты спецыяльнай прэміі Прэзідэнта.

На канцэрце таксама выступіў малодшы сын кіраўніка дзяржавы Мікалай Лукашэнка. Разам са сваім выкладчыкам Аленай Асташкінай-Мысліўчык ён сыграў фантазію для двух фартэпіяна і голасу на тэмы песень з альбома "Куточак Беларусi" Яўгена Алейніка і Юліі Быкавай, якая і выканала папуры-кампазіцыю.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Рэкамендацыі для тых, хто плануе паездкі ў Ізраіль Пры ўзнікненні спрэчных сітуацый на граніцы прасіць супрацоўнікаў міграцыйнай службы звязацца з запрашаючымі асобамі для пацвярджэння імі гатоўнасці прыняць вас ва ўзгодненыя тэрміны.