ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Ясна +13°C
Усе навіны
Усе навіны
Прэзідэнт
10 чэрвеня 2022, 12:27

Лукашэнка: дзяржава павінна клапаціцца аб грамадзянах, але і людзі павінны ўносіць уклад у яе развіццё

Фота з архіва
Фота з архіва

10 чэрвеня, Мінск /Міхаіл Маціеўскі - БЕЛТА/. Дзяржава павінна клапаціцца аб грамадзянах, але і людзі павінны ўносіць уклад у яе развіццё. Аб гэтым Прэзідэнт Беларусі Аляксандр Лукашэнка заявіў на рэспубліканскім семінары-нарадзе "Актуалізацыя метадаў і форм работы з насельніцтвам на мясцовым узроўні", перадае карэспандэнт БЕЛТА.

"Мы сёння сутыкнуліся з крайнасцю. Што мы бачым? На змену савецкаму сакральнаму стаўленню да дзяржавы, спалучанаму з пачуццём абавязку, узаемнай адказнасці і прыярытэтам дзяржаўных інтарэсаў перад асабістымі, прыходзіць банальнае спажывальніцтва. Яно праяўляецца ў ментальнай устаноўцы сучаснага грамадства: дзяржава мне вінна. І, на жаль, рост запатрабаванняў асобных грамадзян не суадносіцца з гатоўнасцю браць на сябе нейкія дадатковыя абавязацельствы", - адзначыў Аляксандр Лукашэнка.

У выніку, звярнуў увагу Прэзідэнт, у канкрэтных людзей або цэлай сацыяльнай групы фарміруюцца такія чаканні ад дзяржавы, якія значна пераўзыходзяць іх уклад у яе развіццё.

Інакш кажучы, яны хочуць жыць, як у Швейцарыі, а працаваць спусціўшы рукавы. Плаціць мінімум падаткаў або наогул не плаціць і мець каласальны ўзровень сацыяльнай падтрымкі, - падкрэсліў кіраўнік дзяржавы. - Так, вядома, дзяржава павінна абараніць мір і парадак, прадастаўляць рабочыя месцы, адукацыю, медыцынскую дапамогу, магчымасць рэалізаваць сябе ў навуцы, творчасці, спорце і гэтак далей. Скажыце, а што, у нас у Беларусі не хапае нечага для таго, каб сябе рэалізаваць у гэтых аспектах? Але ёсць пытанні, якія людзі могуць і павінны падзяліць з дзяржавай".

Самае простае, паводле слоў Прэзідэнта, - ствараць утульнасць і прыгажосць сваімі рукамі і для сябе, берагчы чысціню ў сваіх дамах, дварах і на вуліцах. І як мінімум захаваць тое, што створана цэлымі пакаленнямі беларусаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі