28 студзеня, Мінск /Кар. БЕЛТА/. Дзяржаўная ўлада не шакалад "Прэзідэнт", каб усім падабацца. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.
"Мы, вядома, не адмаўляем, у краіне ёсць пэўная доля грамадзян, якія хацелі б іншай формы дзяржаўнага кіравання і ладу, іншай улады. Гэта нармальна: дзяржаўная ўлада не шакалад "Прэзідэнт", каб усім падабацца. Яны, як правіла, заўсёды галасуюць супраць", - сказаў Аляксандр Лукашэнка.
Паводле яго слоў, ад выбараў да выбараў гэта частка вар'іруецца ў межах 10 працэнтаў. "Вы гэта ведаеце не горш за мяне. Немалая меншасць, і яе меркаванне мы таксама будзем улічваць. Улічваць і адэкватна рэагаваць. Але гэта не датычыцца тых, каму хочацца разгулу бандытызму і анархіі", - канстатаваў Прэзідэнт.-0-