28 чэрвеня, Мінск /Кар. БЕЛТА/. Для Беларусі стаіць задача, куды б ні калыхнула свет, убудавацца ў яго новую мадэль. Аб гэтым Прэзідэнт Беларусі Аляксандр Лукашэнка заявіў на Рэспубліканскім балі выпускнікоў устаноў вышэйшай адукацыі, перадае карэспандэнт БЕЛТА.
"Наперадзе ў вас цэлае жыццё, - звярнуўся Аляксандр Лукашэнка да выпускнікоў. - Не ведаю, добра гэта ці дрэнна, але яго пачатак прыпаў на эпоху глабальных, тэктанічных перамен. На вашых, нашых вачах нараджаецца новы свет, разбураецца стары. У гэтым бурным працэсе Беларусь пакуль яшчэ застаецца астраўком спакою, але яго хістае на хвалях сусветнага шторму. Куды ўсіх нас гэты шторм вынесе - ад нас і залежыць".
На думку кіраўніка дзяржавы, маладым, амбіцыйным, упэўненым у сабе людзям патрэбны такі выклік. "Таму што ўсё звязанае з рызыкамі - гэта яшчэ і вельмі вялікія магчымасці. Для вас яны перш за ўсё звязаны з асабістым і прафесійным станаўленнем. Для краіны ў цэлым, куды б ні калыхнула свет, стаіць задача ўбудавацца ў гэту новую мадэль, не застацца на абочыне. Узмацніць свае дзяржаўныя пазіцыі на міжнароднай арэне", - заявіў Прэзідэнт.
Аляксандр Лукашэнка падкрэсліў, што моладзь у гэтым працэсе адыгрывае самую важную ролю. "Будучыня абавязкова за вамі", - адзначыў ён.-0-