ДЗЯРЖОРГАНЫДЗЯРЖОРГАНЫ
Флаг Пятніца, 28 студзеня 2022
Мінск 0°C
Усе навіны
Усе навіны
Прэзідэнт
18 лістапада 2021, 09:35

Лукашэнка: даўняя дружба народаў Беларусі і Латвіі застанецца асновай для паглыблення супрацоўніцтва

Фота з архіва
Фота з архіва

18 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў народ Латвіі са 103-й гадавінай абвяшчэння Латвійскай Рэспублікі. Аб гэтым БЕЛТА паведамілі ў прэс-службе кіраўніка дзяржавы.

Беларускі лідар нагадаў, што ў гэты дзень у 1918 годзе Латвія набыла статус самастойнай дзяржавы. "Праз 100 з нечым гадоў, нягледзячы на складаныя гістарычныя і палітычныя ўмовы, латвійскі народ захаваў сваю самабытнасць і нацэленасць на ўласны шлях развіцця", - гаворыцца ў віншаванні.

Кіраўнік дзяржавы адзначыў, што цяпер Латвія, як і ўвесь свет, перажывае няпростыя часы ва ўмовах пандэміі. "Беларусь з павагай ставіцца да незалежнасці і дзяржаўнага суверэнітэту ўсіх краін, паважае іх нацыянальныя сімвалы і імкненне жыць у міры і згодзе", - падкрэсліў Аляксандр Лукашэнка.

Прэзідэнт выказаў упэўненасць, што даўняя дружба, добрасуседскія адносіны і развіццё шматвяковага дыялогу паміж народамі дзвюх краін застануцца непахіснай асновай для паглыблення плённага супрацоўніцтва.

"У гэты асаблівы дзень жадаю ўсім латышам міру, узаемаразумення і дабрабыту. Карыстаюся гэтай магчымасцю, каб накіраваць словы шчырай падтрымкі ў адрас нашых латвійскіх суседзяў, якія штодзень стойка пераадольваюць усе цяжкасці, працуюць дзеля сваёй будучыні", - адзначыў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі