17 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка даў даручэнні па развіцці вытворчай сферы і будаўніцтве жылля ў рэгіёнах. На гэтыя пытанні ён звярнуў увагу пасля прыбыцця ў Бабруйск, перадае карэспандэнт БЕЛТА.
Кіраўнік дзяржавы звярнуў увагу на шэраг аб'ектаў у горадзе, у тым ліку сацыяльнай інфраструктуры, інтэрнаты, якія неабходна прывесці ў парадак. Акцэнтаваў увагу Аляксандр Лукашэнка і на факты безгаспадарчасці, якія выявіў у горадзе Камітэт дзяржкантролю перад прыездам кіраўніка дзяржавы, запатрабаваўшы не паказушнічаць толькі на аб'ектах наведвання кіраўніка дзяржавы. На навядзенне парадку беларускі лідар адвёў тэрмін губернатару да 1 студзеня.
Паралельна трэба развіваць і вытворчую базу, будаваць жыллё. Гэта задача не толькі для Бабруйска. Глабальная мэта - не сцягваць усё насельніцтва краіны ў Мінск, а паўсюдна ствараць умовы для работы і жыцця людзей. Тым больш цяпер як ніколі актуальная тэма імпартазамяшчэння, а значыць, і стварэння новых, развіцця існуючых вытворчасцей.
Прэзідэнт прапанаваў у тым ліку пры неабходнасці распаўсюдзіць шэраг ільготных умоў на рэгіянальны ўзровень. "Усе льготы з Мінска перанесці да яго. На тых умовах, што ў Мінску", - сказаў ён.
"Сцягваць у Мінск з усёй Беларусі, напэўна, няправільна. Мінск хутка задыхнецца. Трэба расцягваць людзей па ўсёй краіне. Але не сілай. Работу далі, жыллё далі - едзьце", - заявіў кіраўнік дзяржавы.-0-
