У час інтэрв'ю
8 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка 8 красавіка даў інтэрв'ю міждзяржаўнай тэлерадыёкампаніі "Мір", перадае карэспандэнт БЕЛТА.
У якасці інтэрв'юера выступіў старшыня МТРК "Мір" Радзік Батыршын. На гэтай пасадзе ён працуе з 2007 года. Батыршын прымаў удзел у шэрагу буйных тэлевізійных праектаў, выступаў у якасці аўтара і арганізатара грамадска значных інфармацыйных мерапрыемстваў, у ліку якіх - міжнародны тэлемарафон "Наша Перамога", прысвечаны 65-годдзю Перамогі ў Вялікай Айчыннай вайне, і праект "Вахта памяці" да 70-й гадавіны пачатку Вялікай Айчыннай вайны.
У час інтэрв'ю закранаўся шырокі спектр тэм, у ліку якіх міждзяржаўнае ўзаемадзеянне ў такіх аб'яднаннях, як СНД, ЕАЭС і БРІКС, гандлёва-эканамічнае супрацоўніцтва па лініі асобных краін і на глабальным трэку, забеспячэнне бяспекі ў рэгіёне і павышэнне ўзроўню дабрабыту грамадзян. Асаблівая ўвага была ўдзелена 80-годдзю Перамогі ў Вялікай Айчыннай вайне і неабходнасці захавання гістарычнай памяці.
Міждзяржаўная тэлерадыёкампанія "Мір" была створана рашэннем кіраўнікоў дзяржаў СНД 9 кастрычніка 1992 года ў мэтах захавання агульнай інфармацыйнай прасторы і садзейнічання міжнароднаму абмену інфармацыяй у СНД. Нацыянальныя філіялы і прадстаўніцтвы арганізацыі працуюць у дзевяці краінах.
У склад МТРК "Мір" уваходзяць тэлеканалы "Мір", "Мір 24", радыёстанцыя "Мір", інфармацыйна-аналітычны партал "MIR24.TV" і шматфункцыянальная спадарожнікавая сістэма "Мір-Тэлепорт". Агульны ахоп аўдыторыі тэлеканала "Мір" - больш за 180 млн чалавек, "Мір 24" - 80 млн чалавек.
Аснову вяшчання складаюць інфармацыйна-аналітычныя праграмы, у якіх асвятляюцца ключавыя падзеі краін СНД і свету, а таксама пазнавальныя, забаўляльныя і публіцыстычныя праграмы, дакументальныя стужкі ўласнай вытворчасці. Значная частка эфіру адведзена мастацкім фільмам і серыялам.-0-
Падпісвайцеся на нас у
