28 студзеня, Мінск /Кар. БЕЛТА/. У беларускіх лясах неабходна разабрацца з наступствамі стыхіі. Адпаведнае даручэнне ўраду Прэзідэнт Беларусі Аляксандр Лукашэнка даў сёння, звяртаючыся з Пасланнем да беларускага народа і Нацыянальнага сходу, перадае карэспандэнт БЕЛТА.
"Зноў хачу звярнуцца да ўрада. Пасля ўсіх сітуацый з надвор'ем буралом страшны. Ваша задача, пакуль стаіць мароз, збярыце гэта багацце, адпраўце на піларамы, у мэблевыя цэхі, а што немагчыма - на пелеты", - сказаў Аляксандр Лукашэнка.
Кіраўнік дзяржавы адзначыў, што сёння вялікі попыт на пелеты, асабліва ў Еўропе. "А гэта валюта, і яна гіне сёння ў лясах. Неадкладна займіцеся гэтым. Адміністрацыя Прэзідэнта, Камітэт дзяржкантролю, дакладвайце мне кожны месяц аб навядзенні парадку ў лясах", - даручыў ён.-0-