12 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка даручыў правесці рэвізію дырэктыў кіраўніка дзяржавы. Аб гэтым паведаміла журналістам намеснік кіраўніка Адміністрацыі Прэзідэнта Вольга Чупрыс, паведамляе карэспандэнт БЕЛТА.
Цяпер дзейнічае 11 дырэктыў Прэзідэнта. Апошняя - аб рэалізацыі асноў ідэалогіі беларускай дзяржавы - атрымала дванаццаты нумар, у той жа час дырэктыва нумар 5 аб развіцці адносін з Кітаем страціла сваю сілу.
"Прэзідэнт сказаў, што трэба на іх паглядзець. Вядома, не проста ўзяць і адмяніць іх ці перачытаць і пакінуць у той жа колькасці, толькі ўнёсшы нейкія змяненні. Сказаў, трэба папрацаваць з імі разумна, - адзначыла Вольга Чупрыс. - Калі яны нам не патрэбны, то трэба іх, можа, і адмяніць. Калі ж яны нам патрэбны, але мы бачым сумежнасць, то, адпаведна, зрабіць адну, але сучасную, каб усім было зразумела, куды рухацца і як працаваць".
У прыклад яна прывяла дырэктыву нумар 7 "Аб удасканаленні і развіцці жыллёва-камунальнай гаспадаркі краіны" і дырэктыву нумар 8 "Аб прыярытэтных напрамках развіцця будаўнічай галіны". Гэтыя дакументы блізкія па духу і па напрамках.
"Цалкам магчыма, калі мы прааналізуем гэтыя дзве дырэктывы, зразумеем, што гэта павінна быць адна дырэктыва, якая будзе ісці ад жыцця, ад патрэбнасці людзей і адкажа на пытанне, як мы будзем развіваць будаўнічую галіну, а разам з ёй і жыллёва-камунальную гаспадарку", - растлумачыла намеснік кіраўніка Адміністрацыі Прэзідэнта.-0-
Цяпер дзейнічае 11 дырэктыў Прэзідэнта. Апошняя - аб рэалізацыі асноў ідэалогіі беларускай дзяржавы - атрымала дванаццаты нумар, у той жа час дырэктыва нумар 5 аб развіцці адносін з Кітаем страціла сваю сілу.
"Прэзідэнт сказаў, што трэба на іх паглядзець. Вядома, не проста ўзяць і адмяніць іх ці перачытаць і пакінуць у той жа колькасці, толькі ўнёсшы нейкія змяненні. Сказаў, трэба папрацаваць з імі разумна, - адзначыла Вольга Чупрыс. - Калі яны нам не патрэбны, то трэба іх, можа, і адмяніць. Калі ж яны нам патрэбны, але мы бачым сумежнасць, то, адпаведна, зрабіць адну, але сучасную, каб усім было зразумела, куды рухацца і як працаваць".
У прыклад яна прывяла дырэктыву нумар 7 "Аб удасканаленні і развіцці жыллёва-камунальнай гаспадаркі краіны" і дырэктыву нумар 8 "Аб прыярытэтных напрамках развіцця будаўнічай галіны". Гэтыя дакументы блізкія па духу і па напрамках.
"Цалкам магчыма, калі мы прааналізуем гэтыя дзве дырэктывы, зразумеем, што гэта павінна быць адна дырэктыва, якая будзе ісці ад жыцця, ад патрэбнасці людзей і адкажа на пытанне, як мы будзем развіваць будаўнічую галіну, а разам з ёй і жыллёва-камунальную гаспадарку", - растлумачыла намеснік кіраўніка Адміністрацыі Прэзідэнта.-0-
Падпісвайцеся на нас у
