ДЗЯРЖОРГАНЫДЗЯРЖОРГАНЫ
Субота, 19 верасня 2020
Мінск Пераменная воблачнасць +9°C
Усе навіны
Усе навіны
Прэзідэнт
06 жніўня 2020, 11:54

Лукашэнка даручыў даць ацэнку законнасці ініцыятыў аб альтэрнатыўным падліку галасоў на выбарах

Аляксандр Лукашэнка
Аляксандр Лукашэнка

6 жніўня, Мінск /Уладзімір Мацвееў - БЕЛТА/. Неабходна даць ацэнку законнасці ініцыятыў адносна альтэрнатыўнага падліку галасоў на выбарах у Беларусі. Аб гэтым кіраўнік дзяржавы Аляксандр Лукашэнка заявіў сёння на нарадзе аб арганізацыі бяспекі выбарчай кампаніі, перадае карэспандэнт БЕЛТА.

"Яшчэ адна тэма, якая ўсплыла, гэта альтэрнатыўны падлік галасоў у дзень выбараў. І Генеральнай пракуратуры, і судам трэба даць ацэнку законнасці такіх ініцыятыў. У судах, калі такія звароты туды паступяць", - сказаў кіраўнік дзяржавы.

У час нарады
У час нарады

Ён падкрэсліў, што ў любым выпадку ўсім, хто будзе галасаваць, неабходна даць магчымасць зрабіць гэта спакойна, святочна, не апасаючыся нападкаў і ўмяшанняў у асабісты выбар чалавека.

Аляксандр Лукашэнка адзначыў, што вельмі ўважліва маніторыць сітуацыю па датэрміновым галасаванні на выбарах, якое адбываецца ў краіне. "Дастойна, прыгожа ідуць людзі. Нікому не перашкаджаюць. Нехта на дачу хоча паехаць у выхадныя дні, нехта туды, нехта сюды. Як звычайна. Мы ж не па пошце галасуем, як у некаторых дзяржавах. У нас выбарчыя ўчасткі. Усе ідуць туды і галасуюць. І мы павінны забяспечыць гэты працэс", - сказаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі