22 сакавіка, Баранавічы /Уладзімір Мацвееў - БЕЛТА/. Прэзідэнт Беларусі Аляксандр Лукашэнка даручыў удзяліць у Беларусі ўвагу абнаўленню садоў, частка з якіх ужо старыя і не ўрадлівыя. Аб гэтым кіраўнік дзяржавы заявіў сёння на сустрэчы з актывам горада Баранавічы і Баранавіцкага раёна, перадае карэспандэнт БЕЛТА.
"Старыя сады - трэба даць каманду губернатарам і строга запатрабаваць. Трэба павыкарчоўваць гэта старое. Самыя добрыя ўрадлівыя землі занялі, а ў выніку - чорт нагу зломіць. Няма ўжо там ніякіх садоў і няма там ніякага яблыка - таго, якое было ў савецкі час", - сказаў кіраўнік дзяржавы.
Аляксандр Лукашэнка падкрэсліў, што ў Беларусі селекцыянерамі і практыкамі ў сельскай гаспадарцы напрацаваны цудоўныя тэхналогіі ў сферы садаводства, у прыватнасці вырошчванні яблыкаў. "І сарты, і раянаваныя, і сваіх хапае, і з палякамі працавалі. І ў рэгіёнах краіны шмат такіх садоў пасаджана. Таму трэба абнаўляць сады або на гэтым месцы ствараць вытворчасць якіх-небудзь новых фруктаў. Або проста ў севазварот запускаць гэтыя землі па 50-100 га", - даручыў беларускі лідар.-0-
