3 сакавіка, Мінск /Кар. БЕЛТА/. Да 2030 года сектар малога і сярэдняга бізнесу павінен фарміраваць палову эканомікі. Такую задачу Прэзідэнт Беларусі Аляксандр Лукашэнка паставіў 3 сакавіка перад эканамічным блокам урада, перадае карэспандэнт БЕЛТА.
Паводле слоў Прэзідэнта, адна з важнейшых задач, якія стаяць перад эканамічным блокам урада, - безумоўная рэалізацыя закона аб пераводзе індывідуальных прадпрымальнікаў у малы бізнес. "На чым настойваў Снапкоў (першы віцэ-прэм'ер Мікалай Снапкоў. - Заўвага БЕЛТА) і тая група, якую ён узначальвае. Да 2030 года сектар малога і сярэдняга прадпрымальніцтва павінен фарміраваць амаль палову эканомікі. Гэта таксама яго прапанова", - сказаў кіраўнік дзяржавы.
Аляксандр Лукашэнка разлічвае і на эфектыўнае ўкараненне інстытута самазанятых. Тут, паводле слоў Прэзідэнта, галоўная задача - "абяленне" ўсяго рынку працы.-0-
Падпісвайцеся на нас у
