28 студзеня, Мінск /Кар. БЕЛТА/. Без падтрымкі Злучаных Штатаў Амерыкі Польшча і Літва назаўсёды застануцца маркотнай ускраінай Еўропы. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.
Кіраўнік дзяржавы адзначыў, што на Захадзе ўмацоўваецца ваенная інфраструктура наступальнага характару, а паблізу граніц Саюзнай дзяржавы канцэнтруюцца войскі НАТА, актывізаваны палёты амерыканскіх стратэгічных бамбардзіроўшчыкаў - да 30 вылетаў за суткі.
"У сумежных краінах вядуць размову аб размяшчэнні носьбітаў ядзернай зброі. Нашы заходнія суседзі, Польшча, Літва, актыўна дзейнічаюць у напрамку палітыкі Вашынгтона. Для іх гэта стратэгія выжывання. Альтэрнатыва - назаўсёды застацца маркотнай ускраінай Еўропы. Вось яны і выбіраюць", - заявіў Прэзідэнт.-0-