9 чэрвеня, Мінск /Кар. БЕЛТА/. Без імпартазамяшчэння Беларусі і Расіі будзе вельмі складана развівацца. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Курскай вобласці Расіі Раманам Старавойтам, перадае карэспандэнт БЕЛТА.
Кіраўнік дзяржавы адзначыў, што ў Беларусі ёсць неабходныя рэсурсы для ўдзелу ў расійскіх праграмах імпартазамяшчэння. Супрацоўніцтва ў гэтым напрамку абмяркоўвалася на вышэйшым узроўні.
"З Прэзідэнтам Пуціным нядаўна прынялі такое рашэнне. З нашага боку мы прапанавалі расіянам канкрэтныя праекты, якія вельмі патрэбны і будуць у бліжэйшы час запатрабаваны не толькі ў Беларусі, але і ў Расійскай Федэрацыі. Мы разумеем, што без імпартазамяшчэння, асабліва па крытычных галінах, так званым крытычным імпарце, нам будзе вельмі складана развівацца", - падкрэсліў Аляксандр Лукашэнка.-0-
