ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Прэзідэнт
09 мая 2021, 08:00

Лукашэнка: беларусы будуць і ў далейшым свята шанаваць і абараняць праўду аб Вялікай Айчыннай вайне

Фота з архіва
Фота з архіва

9 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчыннікаў з 76-й гадавінай Перамогі ў Вялікай Айчыннай вайне. Аб гэтым БЕЛТА паведамілі ў прэс-службе беларускага лідара.

"Дзявятага мая - свяшчэнная дата для беларусаў. У гэты дзень кожнага перапаўняе радасць і гонар за подзвіг, здзейснены нашым народам у імя жыцця, свабоды і справядлівасці, - гаворыцца ў віншаванні. - Мы таксама смуткуем аб мільёнах загінулых суграмадзян. Схіляем галовы перад памяццю тых, каму не суджана было вярнуцца з палёў бітваў самай кровапралітнай вайны. Тых, хто, не шкадуючы жыцця, працаваў у тыле і каваў зброю Перамогі. Іх імёны назаўсёды ў нашых сэрцах".

Кіраўнік дзяржавы звярнуў увагу, што праз час у народнай памяці не цьмянее вялікі май 1945 года. "Ганарымся нашымі воінамі-пераможцамі! - падкрэсліў Аляксандр Лукашэнка. - Упэўнены, што беларусы, выхаваныя на прыкладзе мужнасці, стойкасці і вернасці абавязку, будуць і ў далейшым свята шанаваць і абараняць праўду аб той вайне".

Прэзідэнт пажадаў усім здароўя, дабрабыту і мірнага неба над роднай Беларуссю.

Віншаванне Прэзідэнта Беларусі з 76-й гадавінай Перамогі ў Вялікай Айчыннай вайне

Дарагія суайчыннікі!

Ад усёй душы віншую вас з 76-й гадавінай Перамогі ў Вялікай Айчыннай вайне.

Дзявятага мая - свяшчэнная дата для беларусаў. У гэты дзень кожнага перапаўняе радасць і гонар за подзвіг, здзейснены нашым народам у імя жыцця, свабоды і справядлівасці.

Мы таксама смуткуем аб мільёнах загінулых суграмадзян. Схіляем галовы перад памяццю тых, каму не суджана было вярнуцца з палёў бітваў самай кровапралітнай вайны. Тых, хто, не шкадуючы жыцця, працаваў у тыле і каваў зброю Перамогі.

Іх імёны назаўсёды ў нашых сэрцах.

Ідуць гады, але не цьмянее ў памяці народнай вялікі май 1945-га. Упэўнены, што беларусы, выхаваныя на прыкладзе мужнасці, стойкасці і вернасці абавязку, будуць і ў далейшым свята шанаваць і абараняць праўду аб той вайне.

Ганарымся нашымі воінамі-пераможцамі!

Паважаныя сябры, жадаю вам здароўя, дабрабыту і мірнага неба над нашай роднай краінай.

Са святам! З Днём Перамогі!

Аляксандр Лукашэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі