11 студзеня, Мінск /Кар. БЕЛТА/. Беларусь у бліжэйшыя гады будуць "спрабаваць на зуб", і трэба быць гатовымі адказаць на гэта, заявіў Прэзідэнт Беларусі Аляксандр Лукашэнка сёння ў час прыёму напярэдадні старога Новага года, перадае карэспандэнт БЕЛТА.
"Год будзе розным для ўсіх: для кагосьці лёгкім, для кагосьці цяжкім. Але смею дакладна сказаць, што для нашай краіны, для нашага народа не толькі 2019, але і 2020 год будзе няпростым. Гэта не простыя гады, таму што, скажу шчыра, у гэтыя два гады нас будуць вельмі моцна "спрабаваць на зуб", на прадмет таго, ці дастойны мы, калі канкрэтызаваць, той незалежнасці, аб якой мы заўсёды і ўсюды гаворым", - адзначыў Аляксандр Лукашэнка.
"І нам трэба быць гатовымі адказаць на гэта пытанне. Я абсалютна перакананы, што мы знойдзем дастойны адказ, - заявіў ён. - У спорце год таксама асаблівы, я аб гэтым гаварыў. Таму год будзе няпростым, але вельмі цікавым, як нехта з журналістаў нядаўна сказаў".-0-
