Сцяг Чацвер, 28 сакавіка 2024
Усе навіны
Усе навіны
Прэзідэнт
03 ліпеня 2020, 10:01

Лукашэнка: Беларусь - незалежная дзяржава, якая адбылася

2 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка адрасаваў віншаванне суайчыннікам з нагоды Дня Незалежнасці. Аб гэтым БЕЛТА паведамілі ў прэс-службе беларускага лідара.

"Для кожнага беларуса гэта свята напоўнена асаблівым сэнсам. Наша больш як 1000-гадовая гісторыя - пастаянная барацьба народа за сваю зямлю, духоўныя каштоўнасці і самавызначэнне. І нават пасля з'яўлення на карце свету суверэннай Рэспублікі Беларусь нам пастаянна даводзіцца адстойваць права на самастойны шлях развіцця", - гаворыцца ў віншаванні.

Аляксандр Лукашэнка назваў сімвалічным, што галоўнае свята краіны - яшчэ і дзень вызвалення беларускай сталіцы ад нямецка-фашысцкіх захопнікаў. "Вялікая Перамога выратавала нас ад знішчэння. Мы свята шануем подзвіг пакалення пераможцаў, якія адолелі грознага ворага і паднялі краіну з руін", - падкрэсліў кіраўнік дзяржавы.

"Сёння Рэспубліка Беларусь - незалежная дзяржава, якая адбылася, дзе кожны грамадзянін можа дасягнуць любых вышынь у прафесіі, творчасці, спорце, грамадскім і сямейным жыцці.

Мы і ў далейшым будзем умацоўваць наш суверэнітэт і ствараць будучыню краіны на прынцыпах справядлівасці, раўнапраўя і клопату аб людзях", - адзначыў беларускі лідар.

Прэзідэнт таксама пажадаў суайчыннікам здароўя, дабрабыту і мірнага неба над галавой.

Віншаванне Прэзідэнта з Днём Незалежнасці Рэспублікі Беларусь

Дарагія суайчыннікі!

Віншую вас з Днём Незалежнасці Рэспублікі Беларусь.

Для кожнага беларуса гэта свята напоўнена асаблівым сэнсам. Наша больш як 1000-гадовая гісторыя - пастаянная барацьба народа за сваю зямлю, духоўныя каштоўнасці і самавызначэнне. І нават пасля з'яўлення на карце свету суверэннай Рэспублікі Беларусь нам пастаянна даводзіцца адстойваць права на самастойны шлях развіцця.

Сімвалічна, што галоўнае свята краіны - яшчэ і дзень вызвалення беларускай сталіцы ад нямецка-фашысцкіх захопнікаў. Вялікая Перамога выратавала нас ад знішчэння. Мы свята шануем подзвіг пакалення пераможцаў, якія адолелі грознага ворага і паднялі краіну з руін.

Сёння Рэспубліка Беларусь - незалежная дзяржава, якая адбылася, дзе кожны грамадзянін можа дасягнуць любых вышынь у прафесіі, творчасці, спорце, грамадскім і сямейным жыцці.

Мы і ў далейшым будзем умацоўваць наш суверэнітэт і ствараць будучыню краіны на прынцыпах справядлівасці, раўнапраўя і клопату аб людзях.

Жадаю вам, паважаныя сябры, здароўя, дабрабыту і мірнага неба над галавой.

Са святам!

З Днём Рэспублікі!

Аляксандр Лукашэнка.-0-

Падпісвайцеся на нас у
Twitter
Топ-навіны
Свежыя навіны Беларусі