ДЗЯРЖОРГАНЫДЗЯРЖОРГАНЫ
Флаг Субота, 23 верасня 2023
Мінск Суцэльная воблачнасць +21°C
Усе навіны
Усе навіны
Прэзідэнт
16 лютага 2023, 16:33

Лукашэнка: Беларусь не збіраецца выступаць супраць будаўніцтва АЭС у Польшчы

16 лютага, Мінск /Кар. БЕЛТА/. Беларусь не збіраецца выступаць супраць планаў Польшчы пабудаваць атамную электрастанцыю. Аб гэтым Прэзідэнт Аляксандр Лукашэнка заявіў у інтэрв'ю замежным і беларускім СМІ, перадае карэспандэнт БЕЛТА.

"У нас жа няма Дуды, Маравецкага, - іранічна адказаў Аляксандр Лукашэнка на пытанне, ці збіраецца Беларусь выступаць супраць будаўніцтва амерыканцамі АЭС у Польшчы, як гэта было раней з боку суседніх краін адносна будаўніцтва АЭС у Беларусі. - Мы ж не вар'яты. Хочуць яны пабудаваць атамную станцыю, і, як бы ні рэагавалі, яны яе пабудуюць".

"Мы наконт гэтага перажываць не будзем. Хочуць будаваць - няхай будуюць. Яны ўжо маскі з сябе сарвалі ў гэтым плане. Вы ж крычалі, што ў Беларусі гэта шкодна, дрэнна. Чаго самі будуеце? - слушна заўважыў Аляксандр Лукашэнка. - І літоўцы ж сабе запланавалі пабудаваць атамную станцыю. Не ведаю толькі, навошта закрылі гэту (Ігналінскую. - Заўвага БЕЛТА), калі ў іх дэфіцыт электраэнергіі..."

Прэзідэнт перакананы, што, прымаючы рашэнні, палітыкі Польшчы і Літвы не кіруюцца нацыянальнымі інтарэсамі: "Гэта дачаснікі. Гэта не дэмакраты і не дыктатары. Яны ведаюць, што іх заўтра выпруць з улады".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі