Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Лукашэнка: Беларусь і Расія яшчэ вернуцца да пытання аб кампенсацыях за падатковы манеўр

Прэзідэнт 16.09.2019 | 13:36
Аляксандр Лукашэнка і Юрый Сянько
Аляксандр Лукашэнка і Юрый Сянько

16 верасня, Мінск /Кар. БЕЛТА/. Беларусь і Расія яшчэ вернуцца да пытання аб кампенсацыях за падатковы манеўр у нафтавай сферы. Аб гэтым Прэзідэнт Беларусі Аляксандр Лукашэнка заявіў сёння на сустрэчы са старшынёй Дзяржаўнага мытнага камітэта Юрыем Сянько, перадае карэспандэнт БЕЛТА.

Аляксандр Лукашэнка адзначыў, што праводзімы Расіяй падатковы манеўр у нафтавай сферы прывёў да змяншэння паступленняў ад вывазных мытных пошлін за нафтапрадукты. У сувязі з гэтым кіраўнік дзяржавы пацікавіўся, якія крокі робіць мытны камітэт для кампенсацыі страт.

"Не будзем жа мы пастаянна на каленях поўзаць перад сваім старэйшым братам і вымольваць нейкую крыху. Мы павінны самі будаваць тут палітыку з усімі вынікаючымі наступствамі. Гэта мы з Прэзідэнтам Расіі не аднойчы абмяркоўвалі. Думаю, у бліжэйшы час нам, зацвярджаючы праграму сумесных дзеянняў, давядзецца вярнуцца і да гэтага пытання", - сказаў Прэзідэнт.

У ДМК разлічваюць, што ў цэлым па выніках года паступленні перасягнуць мінулагодні паказчык. Значыць, заўважыў кіраўнік дзяржавы, удалося знайсці напрамкі, якія далі магчымасць кампенсаваць страты. "Мы ні ў якім разе не павінны ні нахіліцца, ні ўпасці. Мы павінны вытрымаць паніжэнне гэтых пошлін і нашых даходаў і вытрымаць гэты падатковы манеўр, - падкрэсліў ён. - Мы, вядома, будзем шукаць і па лініі "Белнафтахіма" выйсце з гэтага становішча. Але мытня тут павінна вырашыць свае задачы, якія будуць стаяць перад ёю".

Аляксандр Лукашэнка пацікавіўся вынікамі работы мытных органаў у бягучым годзе, выкананнем пастаўленых задач і планамі на перспектыву. "Мытня - гэта ў значнай ступені люстэрка эканомікі, асабліва для экспартна арыентаванай краіны. Хацелася б даведацца пра ваша бачанне, якая цяпер сітуацыя, ці выконваеце вы даведзеныя планы па мытных пошлінах. Ведаю, што ў вас невялікае адставанне. Што мы будзем мець на канец года?" - спытаў Прэзідэнт.

Кіраўніку дзяржавы было даложана, што мытная служба ў цэлым выконвае задачы па забеспячэнні напаўнення рэспубліканскага бюджэту, стварэнні неабходных умоў для работы бізнесу пры належным узроўні кантролю на граніцы і ўнутры краіны, пашырэнні міжнароднага супрацоўніцтва.

"На сённяшні дзень мы канстатуем павелічэнне колькасці патокаў, якія ідуць цераз нашы ўчасткі граніцы. Гэта стала магчыма дзякуючы таму, што пашыраецца інфраструктура, выкарыстоўваюцца інфармацыйныя тэхналогіі, - сказаў Юрый Сянько. - Мы ствараем умовы, і праз нас едуць. У нас афармляецца каля 6 тыс. грузавікоў штосутачна, легкавога транспарту - 17 тыс. Штосутачна перасякаюць граніцу 73 тыс. фізічных асоб".

За студзень-жнівень 2019 года ў рэспубліканскі бюджэт паступіла Br5,94 млрд плацяжоў, якія кантралююцца ДМК, што на 2,4 працэнта менш у параўнанні з аналагічным перыядам 2018-га. Адной з прычын змяншэння паступленняў ад вывазных мытных пошлін за нафтапрадукты стаў праводзімы Расіяй падатковы манеўр у нафтавай галіне. Па іншых плацяжах, кантралюемых ДМК, рост захоўваецца. Чакаецца, што па выніках 2019 года ў бюджэт паступіць Br8,7 млрд (плюс 3,9 працэнта да ўзроўню 2018-га).

Агульная колькасць правапарушэнняў, выяўленых мытнымі органамі, за 8 месяцаў павялічылася на 38 працэнтаў у параўнанні з аналагічным перыядам мінулага года (з 22,5 тыс. да 31 тыс.). Узбуджана 129 крымінальных спраў па фактах незаконнага перамяшчэння праз граніцу і абароту наркотыкаў і псіхатропных рэчываў, што ў два разы больш, чым у аналагічным перыядзе 2018 года (62).

Па выяўленых мытнымі органамі фактах незаконнага перамяшчэння праз граніцу зброі і боепрыпасаў узбуджана 12 крымінальных спраў, што ў тры разы перасягае паказчык за аналагічны перыяд мінулага года. Сумесна з органамі дзяржбяспекі перакрыты канал пастаўкі зброі, састаўных частак да яе і боепрыпасаў з Украіны ў Літву і далей у Расію цераз тэрыторыю Беларусі.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.